Protektorat

Us der alemannische Wikipedia, der freie Dialäkt-Enzyklopedy

E Protektorat (vo lat. protegere, „schütze“) isch e staatligs Territorium, wo däilwiis suwerään isch und wo vom ene andere Staat, vom Protekter, gegen usse verdräte und verdäidigt wird. Dr Protekter und au s Protektorat chönne verdraagsfähigi Völkerrächtssubjekt si. Im Vergliich ghööre Kolonie oder Übersee-Territorie iirer Kolonialmacht, und iiri Iiwooner si deren iiri Underdaane. Die Definizioon isch aber erst sit em Ändi vom 19. Joorhundert gültig. Bis denn – vor allem in dr Zit vom „Renne um Afrika“ im letschte Viertel vom 19. Joorhundert – isch s nid genau definiert gsi, und mä het mängge afrikanische Gebiet, wo gar käi Staatligkäit im modärne Sinn ghaa häi, Protektorat gsäit. Es het sich doo um e Vorstuefe zun ere äigentlige Kolonie ghandlet, wo nit en örtlige Staat, sondern die äigene Inträsse in däm Gebiet gege rivalisierendi öiropäischi Staate gschützt worde si. Die Protektorat si am Aafang vom 20. Joorhundert alli Kolonie worde.

Litratuur[ändere | Quälltäxt bearbeite]

  • Michael Dauderstädt, Arne Schildberg (Hgg.): Dead Ends of Transition. Rentier Economies and Protectorates. Campus, Frankfurt am Main 2006, ISBN 3-593-38154-0.