Präteritum

Sälle Artikel oder Abschnitt brucht e Yberarbeitig un sott dorum durgluegt werre. Des cha de sprochliche Stil, s Format vum Artikel, oder de Inhalt beträffe. Nächers isch in dr Regel uf dr Diskussionssite agee. Hilf bitte mit, die kritisierte Passasche z'verbessere un nimm druffabe die Markierig use.

S'Präteritum isch di grammatikalisch Vergangehäit und schtaht zwüschet em Pärfekt und äm Präsens. S'Präteritum heisst i dr Grammatik e Tempus (Zytform).

S'Präteritum im Alemannische

Im Vergliich zue de hochdytsche Sproch gits im Alemannische (wie au im Bairische un Ostfränkische) kai Verbform fer s'Präteritum - bis uf s'Verb si (bzw. sin / sei), wo inzwische im gsprochene alemannisch under hochdytschem Ifluss Verbreitig gfunde het. Alemannisch bildet d'Vergangeheit analytisch mit eme Hilfsverb - also d'Perfektform.

De dytsch Satz "Gestern war ich hier" heißt also "Gestert bin i do gs(e)i" (bzw. gwä in manche Gegende vum Schwäbische).

De dytsch Präteritum-Stamm vum Verb wird im Alemannische fer dr synthetisch bildet Konjunktiv verwendet, z.B. synthetisch Ging säll au? statt analytisch Dät säll au go?.

E Usnahm hät bis vor ebba dryssg Johr s Saleytitsch bildet , di walserisch Mundart vo Saley (ital. Salecchio; im italienische Antigoriotal) - sälli hät nit nu aldhochdytschi Verbklasse bibehalde, sundern hän au noch bi allne Verbe e Präteritum gchennt.

lueg au:Grammatik