Präger Gletscherkessel

Us der alemannische Wikipedia, der freie Dialäkt-Enzyklopedy
Dr Präger Gletscherchessel

Dr Präger Gletscherchessel isch es Naturschutzpiet, wo sit 1994 bestoot. Es het 2800 Hektaare und goht an des Naturschutzgebiet vom Feldberg ane. Es isch s zweitgröschti vo Bade-Württeberg. Es isch öschtlich vom Wiisedal uf dem Gebiet von den Städt Schönau un Todtnau (Präg).

Entstehig[ändere | Quälltäxt bearbeite]

D Usdehnig isch 7 Kilometer in Nord-Süd un 5 Kilometer in Oscht-Wescht-Richdig. De Höchiunterschied het vom tiefschte Punkt mit 570 Meter bi Gschwend und dem höchschte Punkt mit 1309 Meter uf em Blößling dobe öpe 700 Meter.

Des Präger Dal isch durch d Iiszitt schtark geprägt worre. Vor öppe zee bis zwenzg Tuusig Joor sin sechs einzelni Gletscher im Dal zemmecho, henn aber nitt ins Wiesedal ablaufe chenne. Drum isch des Iis vo de Gletscher bis uff 500 Meter uffgstaut gsi. So sin einigi interessanti Talforme uftrette, wo de Gletscher abghoblet hätt. S hät hütt no 3 Präger See, des sinn mit Wasser gfüllti Iiserosionskolke und anderi idrucksvolli Züge vo de iiszittliche Landschaft.

Natur[ändere | Quälltäxt bearbeite]

S Piet lebt vo einere Vielfalt, so gitts Arnika, Silberdischtle und Chatzepfötli, aber au seltini Vögel wie d Zippammere oder de Schwarzspecht.

In de Felse gits seltini Farne oder es wachse Fingerhuet.

In de Blockhald z Präg gits ganz seltini Chäfer, wo in de Halde läbet.

Weblink[ändere | Quälltäxt bearbeite]

 Commons: Präger Gletscherkessel – Sammlig vo Multimediadateie