Plektrudis
Us der alemannische Wikipedia, der freie Dialäkt-Enzyklopedy
D Plektrudis (Bliktrud) († 10. August 725) isch us em vornähmste austrasische Adel und wird as Heiligi verehrt. Sie stammt vermuetlig us dr Hugobert-Irmina-Sippe.
Si isch wohrschiinlig d Dochter vo dr Irmina vo Oere und em Pfalzgraf Hugobert, em Seneschall vom Chlodwig III., gsi, und eso d Schwöster vo dr Äbtissin Adela vo Pfalzel bi Trier. Sit öbbe 670/675 isch se mit em karolingische Huusmeier Pippin em Mittlere verhürotet gsi. Mit ihm het si vili Schänkige an Chille und Chlöster gmacht. Es isch historisch wohrschiinlig, ass d Güeter, wo si bi dr Hürot mitbrocht het, im Pippin ghulfe hai, d Krise vom arnulfingische Huus z überwinde. Wohrschiinlig au wäge däm isch d Plektrudis bi alle Rächtsgschäfte vom Pippins drbii gsi. Ihri Söhn Drogo und Grimoald der Jüngere si vom Pippin mit wichtige Böste usgstattet worde.
Churz vor em Tod vom Pippin het si brobiert, d Rächt vo ihre Grosschinder (ihri Söhn si scho gstorbe gsi) gege d Asprüch vom Pippin siim unehelige Sohn, em Karl Martell, z verdeidige. Dr Pippin het zuegstimmt, ass e unehelige Sohn vom Grimoald em Jüngere, dr Theudoald, ihn sött beerbe. D Plektrudis het dr Karl z Köln in s Gfängnis gheit. Er het aber chönne flüchte, het en Armee ufgstellt und het d Plektrudis 717 schliesslig zwunge, siini Rächte z anerkenne.
Plektrudis isch d die Gründere vo St. Maria im Kapitol z Köln gsi, wo si vermuetlig au begraben isch.
[ändere] Literatur
- Silvia Konecny: Die Frauen des karolingischen Königshauses: Die politische Bedeutung der Ehe und die Stellung der Frau in der fränkischen Herrscherfamilie vom 7. bis zum 10. Jh., Wien: VWGÖ, 1976.
- Rudolf Schieffer: Die Karolinger, W. Kohlhammer Druckerei GmbH + Co. Stuttgart, 2000, S. 23,31-33,35-38,40
- Lexikon des Mittelalters: Band VII Spalte 19
- Matthias Werner: Adelsfamilien im Umkreis der frühen Karolinger. Jan Thorbecke Verlag Sigmaringen 1982 Seite 15, 27-31, 36, 60, 62, 70, 72, 74-77, 89, 99, 107, 111, 119, 121-123, 126, 128, 131, 133, 137, 165, 167, 169, 172-176, 186, 193, 197, 213, 221, 226, 229, 234, 236, 239, 241-243, 247-256, 258, 261-263, 265-270, 274-282, 285, 289, 291-294, 322, 324, 326
[ändere] Weblingg
Dr Artikel basiert uf ´ra freie Ibersetzung vum Artikel „Plektrudis“ us dr dytsche Wikipedia.
E Lischte mit de dörtige Autore kasch dörte aluege
| Persoonedaate | |
|---|---|
| NAME: | Plektrudis |
| ALTERNATIVNAMEN: | Bliktrud |
| KURZBESCHREIBUNG: | austrasischi Adligi, Heiligi |
| GEBURTSDATUM: | vor 670 |
| GEBURTSORT: | |
| STERBEDATUM: | 10. August 725 |
| STERBEORT: | |
