Pingu
De Pingu isch e Schwizer Chnättanimazion-Trickfilmserie für Chinder. Im Mittelpunkt stönd d Hauptakteure vo de Serie: dr jungi frechi Pinguin Pingu und sin Fründ, dr Seehund Robby. I vilne Episodene spillt au dr Rest vo de Familie vom Pingu mit ere wichtige Rolle mit. Em Pingu sin Vater isch bi de Post und Spilzügmacher. Oft spillt au die chlini Schwöschter Pinga mit.
De erschti Film isch 1986 im ene Filmstudio z Affolter am Albis entstande. Erschaffe hät en de Otmar Gutmann, en Puppetrickfilmer, wo ursprünglich us em Schwarzwald cho isch. Näbed em Gutmann hät au s Schwizer Färnseh dä Pilotfilm, wo zerscht «Pingu» gheisse hät und nochhär i «De Pingu wird vorgschtellt» umtauft woren isch, finanziert.[1]
Im Ganze sind vo 1986 bis 1998 104 Folge produziert worde. Jedi Folg goot füf Minute.
De Pingu isch international vor allem wäge siner Dialög bekannt, wo in ere Fantasiisprooch gredt werde. 2004 het d Produktionsfirma Hit Entertainment d Recht für d Serie inkl. de 104 Originalfolgen för 38 Millione Franke kouft.[1] Es sind 52 witeri Folge produziert und e neui Pingu-DVD usebrocht worde.
Sit em 7. Oktober 2017 lauft uf em japanische Sänder HNK-E e neui Serie mit em Titel Pingu in the City, wo 52 Folge à sibe Minute söll umfasse.[2]
Weblink[ändere | Quälltäxt bearbeite]
- Pingu in dr Internet Movie Database
Fuessnote[ändere | Quälltäxt bearbeite]
- ↑ 1,0 1,1 Pingu Artikel uf nzz.ch vom 4. Jänner 2006
- ↑ Pingu in the City - Neuer Anime von Polygon Pictures Artikel uf moviepilot.de vom 5. September 2017