Philippe Starck

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr Philippe Starck, 2007

Dr Philippe-Patrick Starck (* 18. Januar 1949 z Bariis) isch e franzöösische Disäiner und äine vo de bekanntiste Verdräter vom Nöije Disäin. Im Starck sini vilsitige Entwürf cha mä in fast jedem Beriich vo Archidektuur bis Broduktdisäin finde. Er het spektakulääri Inneiirichdige entworfe aber au äifachi Gebruuchsgegeständ.

Lääbe[ändere | Quälltäxt bearbeite]

Dr Philippe Starck het an dr Ecole Nissim de Camondo z Bariis studiert. 1965 het er dr Mööbelwettbewärb „La Vilette“ gwunne und het 1968 e Firma für ufbloosbaari Objekt gründet. 1971/72 isch er dr künstlerisch Läiter im Studio Pierre Cardin worde. Vo 1976 aa het er für zwei Nachtklub d Inneiirichdig entworfe und het schliesslig 1980 d Firma „Starck Products“ gründet.

Won er 1982 d Brivaatrüüm vom domoolige Staatsbresidänt François Mitterrand im Élysée-Palast gstaltet het, het si Karriere abghoobe. In de 1980er isch er zum gfiirte Stardisäiner worde, vor allem in de USA und z Japan. D Inneniirichdig für s Café Costes z Bariis (1984, gschlosse 1994) isch uf dr ganze Wält berüemt worde.

Wärk[ändere | Quälltäxt bearbeite]

Briis/Uszäichnige[ändere | Quälltäxt bearbeite]

  • 1999 isch er as A&W-Desäiner vom Joor vo dr Zitschrift Architektur & Wohnen geert worde.
  • 2004 het er dr Lucky Strike Designer Award vo dr Raymond-Loewy-Stifdig überchoo.

Weblingg[ändere | Quälltäxt bearbeite]

 Allmänd (Commons): Philippe Starck – Sammlig vo witere Multimediadateie

Kwelle[ändere | Quälltäxt bearbeite]