Pharyngaler Konsonant

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Artikulationsort
Sekundärartikulation


Als Pharyngal bezeichnet mer in de Phonetik en Konsonant, wo mit de Zungewurzel un em Rache, de Pharynx, artikuliert wird.

Pharyngali Konsonante sin unter de Sprooche vo de Wält sehr sälte. Pharyngali Verschlussluut sin uss keinere Sprooch bekannt un es isch umstritte, ob die überhaupt anatomisch mögli sin. Pharyngali Frikativ sin dergege uss e paar Sprooche bekannt, vorallem in Nordafrika un em Mittlere Oschte, em Kaukasus un uss de Salish-Sprooche in British Columbia. Allerdings sin viili Phonetiker, wie de Peter Ladefoged hüt de Meinig, dass es sich bi de meischte Luut, wo als pharyngal beschrybe werde, eigetli um epiglottali Konsonante handlet[1]. Epiglottali Konsonante werde no wyyter hinte im Rache bildet wie pharyngali Konsonante.

Es isch aber mindeschtens ei Sprooch bekannt, wo pharyngale un epiglottali Konsonante vonenand unterscheidet, un zwar de Dialäkt Richa vo de Sprooch Aghul uss Dagestan:[2] /ħaw/ "Euter" vs. /ʜatʃ/ "Öpfel" and /ʕan/ "Buuch" vs. /ʢakʷ/ "Liecht".

IPA-Zeiche Beschrybig vum Luut Luutbyspil
Xsampa-qmarkslash.png Stimmhafter pharyngaler Frikativ
Xsampa-Xslash.png Stimmloser pharyngaler Frikativ

Fuessnote[ändere | Quälltäxt bearbeite]

  1. Ladefoged, Peter & Maddieson, Jan. (1996). The Sounds of the World's Languages. ISBN 0-631-19815-6.
  2. Kodzasov, S. V. Pharyngeal Features in the Daghestan Languages. Proceedings of the Eleventh International Congress of Phonetic Sciences (Tallinn, Estonia, Aug 1-7 1987), pp. 142-144.