Peter Steiner

Us der alemannische Wikipedia, der freie Dialäkt-Enzyklopedy
Hops zue: Navigation, Suech

De Peter „Cool Man“ Steiner (* 22. Januar 1917 z Walestadt, Sanggalle; † 12. November 2007) isch en Schwiizer gsi, wo i de 90er Jahr als musikalische Werbeträger unter em Name „Cool Man“ Berüemtheit erlangte het, i bereits fortgschrittnem Alter und mit sim Bart als Markezeiche. Sini erschte Singles "It's cool man" und "Geierwally" händ sich über 1 Million Mal verchauft, de Steiner het in de Schwiiz und Dütschland je en goldnigi CD iigschpillt.

Inhaltsverzeichnis

Läbe[ändere | Quälltäxt bearbeite]

De Steiner isch Vatter vo 10 Chind und Grossvatter vo 9 Änkel gsi. Sini Chind heissed Mario, Bernadetta, Arno, Andrin, Urs (De Dirigent vom San Franciscoer SymphonieorchesterSinfonietta“), Rea, Rita, Irene, Silvio und Patrik. Sini Frau Katharina isch au sini Managerin. Sis gröschte Hobby isch ds Bsueche vo Viehusschtellige gsi.

De Steiner hed Färnsehwerbig für „Milka“-Schoggi gmacht. I däre Werbig isch är de „Cool Man“ gsi. Dezue isch unter de Interpretebezeichnig „XXL feat. Peter 'Cool Man' Steiner“ d’Single „It’s Cool Man“ erschine.

Ds Lied hed aagfange mit em Steiner sim Spruch „Ah - ein Stadtmensch .... / Sie glauben wohl auch, dass wir hier Oben etwas altmodisch sind .... / Aber Vorsicht: It’s cool man!“. De Teil "It's cool man!" isch während em Lied immer wieder wiederholt worde.

De Steiner het Autogrammschtunde gäh und d’Schweizer Illustrierte het ihm en Reportage gwidmet. Wo är im Jahr 2007 si 90. Geburtstag gfiiret het, händ ihm de UNO-Sonderbotschafter Adolf Ogi und de Ex- Boxer Stefan Angehrn gratuliert. Früeher het de Steiner in San Bernardino-Villaggio gwohnt. Gstorbe isch är in Walenstadt SG.

Singles[ändere | Quälltäxt bearbeite]

  • Geierwally (mit „XXL“)
  • It’s Cool Man (mit „XXL“)
  • „Sie Will Nur Mich“, 1999, Ewoton
  • "Oh You Fröhliche"
  • "Von den Bergen tönt es so"
  • «Nur ein Kuss»

Album[ändere | Quälltäxt bearbeite]

  • "Ah - ein Stadtmensch"

Weblinks[ändere | Quälltäxt bearbeite]