Peter Götz

Us der alemannische Wikipedia, der freie Dialäkt-Enzyklopedy
Hops zue: Navigation, Suech

De Peter Götz (* 24. September 1947 z Bade-Bade) isch e badischer Politiker (CDU). Site m 1990i isch er Mitglied vom dütsche Bundestag.

De Peter Götz isch sit em 1997i Bundesvorsitzender vo de Kommunalpolitische Vereinigung von de CDU und de CSU un sit em 1998i Vorsitzender vo de Arbeitsgmeinschaft Kommunalpolitik vo de CDU/CSU-Bundestagsfraktion.

Läbe un Bruef[ändere | Quälltäxt bearbeite]

De Götz het 1968 sini Usbildig für de ghobene Verwaltigsdienst abgschlosse un dodernoch bis 1970 sin Wehrdienscht abgleischtet. Er isch dann retour cho in d Verwaltig vo de Schtadt Gaggenau un het zudem zwüsche 1973 und 1975 d Verwaltigs- un Wirtschaftsakademie z Friburg im Briisgau bsuecht, wo er als Betriebswirt (VWA) mit em Schwerpunkt Immobilienwirtschaft abgschlosse het. De Götz het bis 1985 bi de Schtadt Gaggenau gschaffet, zuletscht als Leiter vo de Bauverwaltig.

De Peter Götz isch ghürote un het vier Chind.

Partei[ändere | Quälltäxt bearbeite]

De Götz isch 1974 de CDU un de Junge Union biträte un het vo 1974 bis 1982 zum Vorschtand vo de CDU Raschtatt ghört.

Vo 1985 bis 1993 isch er Vorsitzender vom Kreisverband Raschtatt vo de Kommunalpolitische Vereinigung (KPV) vo de CDU/CSU gsi. 1992 bis 1998 isch er Vorsitzender vom KPV-Bezirksverband Nordbaden gsi un vo 1994 bis 1998 au schtellvertretender KPV-Landesvorsitzender vo Bade-Württebärg. Im 1997i isch de Götz zum Bundesvorsitzende vo de KPV gwählt worde.

Abgordneter[ändere | Quälltäxt bearbeite]

Sit em 1990 isch de Peter Götz Mitglid vom dütsche Bundestag. Derte isch er sit em 1998 Vorsitzender vo de Fraktionsarbeitsgmeinschaft Kommunalpolitik un de kommunalpolitischi Sprecher vo de CDU/CSU-Bundestagsfraktion.

De Peter Götz isch immer de direkt gwählti Abgordnete vom Wahlkreises Rastatt gsi. Bi de Bundestagswahl 2009 het er 48,0 % vo de Erschtstimme übercho[1].

Öffentlichi Ämter[ändere | Quälltäxt bearbeite]

Zwüsche 1985 un 1990 isch de Peter Götz Erschter Beigeordneter vo de Schtadt Gaggenau gsi.

Einzelnoochwiis[ändere | Quälltäxt bearbeite]

  1. http://www.bundeswahlleiter.de/de/bundestagswahlen/BTW_BUND_09/ergebnisse/wahlkreisergebnisse/l08/wk273/ Website vom Bundeswahlleiter über de Wahlchreis Raschtatt

Weblink[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Peter_Götz“ vu de dütsche Wikipedia.

E Liste vu de Autore un Versione isch do z finde.