Pedro Lenz

Pedro Lenz

Der Pedro Lenz (* 8. März 1965 z Langetel) isch e Schwyzer Outor.

Läbe

Der Pedro Lenz het Muurer glehrt, speter d Matura nachegholt und ar Universität Bärn für'nes paar Semester Spanisch (syni Muetersprach) u Dütsch studiert. Syni hochdütschen u bärndütsche Churzgschichte zeichne sech uus dür Originalität u Witz. Hüüffig chöme si derhär, wi we öpper us sym Läbe würd verzelle. Ir Bärner Tageszytig Der Bund schrybt er all Wuchen e Kolumne. Är schrybt o regelmäßig im Satireblatt Nebelspalter.

Der Pedro Lenz gilt als eine vo de wichtigste Schwyzer Poetry Slam-Performer. 2008 het er teilgnoh a de Klagenfurter Literaturtäg. Är het der Literaturprys vom Kanton Bärn 2008 gwunne. Är wont z Bärn.

Uszeichnige

• Literaturprys vor schwyzerischen Arbeiterbildigszäntrale, 1994
• Literaturstipändium vor Stadt Bärn z Glasgow, 2005
• Chlykunstprys „Goldener Biberfladen Appezell“, 2005
• Kulturprys vor Stadt Langethal, 2005
• Literaturprys vom Kanton Bärn, 2008
• Gwünner vo verschidnige Poetry Slams

Wärch

Büecher

• Die Welt ist ein Taschentuch. Gedichte von da, von dort und von drüben. X-Time, Bern 2002, ISBN 3-909990-08-8
• Momente mit Menschen – Ein Mosaik. 71 Portraits. Stämpfli, Bern 2002, ISBN 3-9520209-2-3
• Tarzan in der Schweiz. Gesammelte Kolumnen zur gesprochenen Sprache. X-Time, Bern 2003, ISBN 3-909990-12-6
• Das Kleine Lexikon der Provinzliteratur. Bilger, Zürich 2005, ISBN 3-908010-72-1
• Plötzlech hets di am Füdle. Banale Geschichten. Cosmos, Muri bei Bern 2008, ISBN 978-3-305-00425-6
• Der Goalie bin ig. Roman. Gesunder Menschenversand, Luzern 2010, ISBN 978-3-905825-17-6
• Tanze wi ne Schmätterling. Die Coiffeuse und der Boxer. Cosmos, Muri bei Bern 2010, ISBN 978-3-305-00426-3
• Loosli für die Jackentasche. Geschichten, Gedichte und Satiren von C. A. Loosli, herausgegeben von Pedro Lenz. Rotpunktverlag, Zürich 2010, ISBN 978-3-85869-426-3

Bühne-Projäkt

• Teilwahrheiten. Ein Bühnenprogramm für Poesie & Piano. UA: Winterthur 2003
• „Hohe Stirnen“ mit Patrik Neuhaus (Piano, Akkordeon). Programm:
  • Miniaturen, 2001
  • Teilwahrheiten, 2003
  • Absecklen wenn es Zeit ist, 2006
  • Tanze wie ne Schmätterling, 2009
• „Bern ist überall“

Audio-CDs

• I wott nüt gseit ha. Monologe des Kummers. 2004, ISBN 3-9521517-8-5
• Bern ist überall. Im Kairo (mit Adi Blum, Stefanie Grob, Guy Krneta, Gerhard Meister, Michael Pfeuti, Michael Stauffer u Beat Sterchi). 2006, ISBN 3-9522993-4-0
• Angeri näh Ruschgift. Monologe der Leidenschaft, 2007, ISBN 3-905825-03-1
• Das kleine Lexikon der Provinzliteratur (Live-Ufnahm im Café Kairo z Bärn vom 14. April 2008). Merian, Basel 2008, ISBN 978-3-85616-389-1
• Ungerdüre. Pedro Lenz schickt Strohmann-Kauz in den Berg. Textwerkstatt, Olten 2008, ISBN 978-3-905848-08-3
• Tanze wi ne Schmätterling. Am Piano: Patrik Neuhaus. Cosmos, Muri bei Bern 2010, ISBN 978-3-305-00427-0

Weblink

• Offizielli Website
• Literatur vu un iber Pedro Lenz im Katalog vu dr Dytsche Nationalbibliothek
• Yytrag über Pedro Lenz im Lexikon vom Verein Autorinnen und Autoren der Schweiz
• „Hohe Stirnen“
• „Bern ist überall“