Pays de Gex

Us der alemannische Wikipedia, der freie Dialäkt-Enzyklopedy
d Lag vom arrondissement vo Gex im Norde vom département vo Ain

S Pays de Gex isch e Landschaft im Département Ain im Oste vo Frankriich, zwüsche dr erste Jura-Chetti und de Kantöne Gämf und Waadt. Es het si Name vom Hauptort Gex. S arrondissement vo Gex het 69'762 Iiwohner (2006) uf ere e Flechi vo 426 km². Es het 29 Gmeinde in drei Kantön.

S Pays de Gex het im Mittelalter zur Grofschaft Gämf ghört, spöter zu Savoye. Sit em 17. Januar 1601 (Vertrag von Lyon) isch s Pays de Gex e Deil vo Frankriich und het bis zur Französische Revolution zur Provinz Burgund ghört. Bim Wiener Kongräss 1815 sin 6 Gmeinde zum Kanton Gämf cho, so dass er e Landverbindig mit em Räscht vo dr Schwiiz übercho het.

S modärne Pays de Gex entspricht öbbe em Arrondissement Gex. D Wirtschaft isch stark mit dr Schweiiz verbunde. D Gmeinde in dr Nöchi vo dr Gränze ghöre zur Gämfer Grossagglomeration und es het vili Gränzgänger. S Chärnforschigszentrum CERN und dr Flughafe Gämf lige deilwiis im Pays de Gex.

Weblink[ändere | Quälltäxt bearbeite]

Koordinate: 46° 20′ 0″ N, 6° 3′ 28″ O

Dä Artikel basiert uff ere fräie Übersetzig vu dere Version vum Artikel „Pays_de_Gex“ vu de dütsche Wikipedia. E Liste vu de Autore un Versione isch do z finde.