Pascale Bruderer

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Pascale Bruderer

D Pascale Bruderer Wyss (* 28. Juli 1977 z Bade) isch e Schwyzer Bolitikeri (SP).

Läbe[ändere | Quälltäxt bearbeite]

D Pascale Bruderer isch as jingschts vu drei Maidli in dr Gmai Bade ufgwagse. Si isch uf di obligatorisch Volksschuel z Bade un d Kantonsschuel Wettige gange. No dr Matur het si Bolitikwisseschafte, Staatsrächt un Wirtschaftsgschicht studiert an dr Universitete Züri un Växjö (Schwede).[1]

D Pascale Bruderer wohnt z Nussbaume, isch ghyrote un Mueter vunere Dochter (* 2011[2]). Näbe ihrem Ständerots-Mandat schafft si as Gschäftsfiereri in dr Chräbsbsliga Aargau.

Bolitik[ändere | Quälltäxt bearbeite]

Wu si anne 2002 in dr Nationalrot gwehlt woren isch, isch si d bis dert jingscht Nationalreti gsii. Si isch dertemol fir dr zruckdrätte Hans Zbinden noogruckt. Ai Johr speter isch si wider in dr Nationalrot gwehlt wore. Bi dr Wahl 2007 het si fir e Ständerotssitz vum Kanton Aargau kandidiert un au wider fir dr Nationalrot. Derwylscht si as Drittblatzierti nit in dr Ständerot yyzogen isch, isch si as Nationalreti mit em dritthegschte Stimmaadail unter 15 Gwehlten im Amt bstetigt wore. Bi de Wahle 2011 het si de höchschti Stimmeaateil vo allne Ständerotskandidate gha und isch di einzig gsi, wo im erschte Wahlgang scho gwählt worde-n-isch.

Ihri bolitische Schwärpinkt setzt d Bruderer bsundersch bi dr Sozial-, Behinderte- un dr Hochschuelbolitik. Si will Jugedligi fir d Bolitik begaischtere, doderfir het si anne 2008 dr Prix Jeunesse iberchuu.[3] Derzue isch si Bresidänti vu dr Barlemäntarische Gruppe Gebärdesproch un sitzt im Co-Bresidium vu dr der Barlemäntarische Gruppe fir Behindertefroge.[4] Noodäm si 2008 as Vizebresidänti vum Nationalrot gwehlt woren isch, het s Barlemänt si draditionsgmäss fir s Barlemäntsjohr 2009/2010 zue dr Nationalrotsbresidänti gwehlt. Am 8. Jänner 2011 het d Bruderer dr SwissAward in dr Sparte Bolitik iberchuu.

Bolitischi Ämter[ändere | Quälltäxt bearbeite]

  • Dezämber 1997 bis Jänner 2004: Yywohnerreti Bade
  • April 2001 bis April 2002: Grossreti Kanton Aargau
  • April 2002 bis Dezämber 2011: Nationalreti
  • Syt Dezämber 2012: Ständerötin
  • Syt Merz 2008: Vizebresidänti vu dr SP Schwyz
  • Dezämber 2009 bis Novämber 2010: Nationalrotsbresidänti

Literatur[ändere | Quälltäxt bearbeite]

  • Pascale Bruderer, Rudolf H. Strahm, Helmut Hubacher; Simonetta Sommaruga (Hrsg.): Für eine moderne Schweiz. Ein praktischer Reformplan. Nagel & Kimche, München/Wien 2005, ISBN 3-312-00356-3.

Weblink[ändere | Quälltäxt bearbeite]

 Allmänd (Commons): Pascale Bruderer – Sammlig vo witere Multimediadateie

Fuessnote[ändere | Quälltäxt bearbeite]

  1. Biografi uf ihre Websyte
  2. Pascale Bruderers Baby ist da. In: Aargauer Zeitung vum 17. Oktober 2011
  3. tagblatt.ch: Pascale Bruderer erhält Prix Jeunesse 2008, vum 17. Dezämber 2008
  4. Schwyzerischi Bundesversammlig: GRUPPEN DER BUNDESVERSAMMLUNG (ART. 63 PARLG). 11. Mai 2010, abgruefen am 31. Mai 2010
Dä Artikel basiert uff ere fräie Übersetzig vum Artikel „Pascale_Bruderer“ vu de dütsche Wikipedia.

E Liste vu de Autore un Versione isch do z finde.