PJ Harvey

PJ Harvey
PJ Harvey bìm ne Konzärt am 2. Septämber 2004 Foti vom David Mitchell
Date
Geburtsname	Polly Jean Harvey
Uf d Wält cho	9. Oktober 1969 (39i) Bridport, Dorset, Ängland
Genre	Alternative rock Indie rock
Beschäftigung	Singer-songwriter
Instrument	Gitare, Klavier, Muulgiige etc.
Aktiv	sìt 1991
Label	Island Records
Website	www.pjharvey.net

Dialäkt: Bärndütsch

D Polly Jean Harvey ìsch am 9. Oktober 1969 uf d Wält choo ùn ìsch en änglischi Musikere ù Liedermachere. Si ìsch ìm chliine Dörfli Corscombe ìm süüdlechen Ängland ufgwachse ù het als Jugendlechi zäme mìt em Schlagzüger Rob Ellis ùn em Bässeler Ian Olliver (wo speeter dǜre Steve Vaughan ersetzt worden ìsch) d Band PJ Harvey ggrǜndet.
Ds Trio het 1992 ìres erschten Album Dry veröffentlecht. Dr Rob Ellis ù dr Steve Vaughan hei de aber d Band nach em zwöiten Album Rid Of Me (1993) verlaa ù d Polly Jean Harvey het drufabe uf di eiget Pfuuscht witergmacht.

Si het 2001 dr Mercury Music Prize gwùnne ùn ìsch scho meermaals fǜr d BRIT Awards ù fǜre Grammy Award nominiert worde gsìì. Ds Musigheftli Rolling Stone het se 1992 als beschti nöiji Kǜnschtlere, 1995 als beschti Kǜnschtlere vom Jaar bezeichnet ù zwöi vo ìrnen Albene ìd Liischte vo de 500 beschten Albene vo allne Ziten ufgnoo. Irenen Umfraag vom Heftli Q ìsch si 2002 zùr beschte Rock-Musikere gwäält worde.

D PJ Harvey seit vo sech sälber, das si lieber Konzärt gìt als Stǜck z schribe ùn ufznää: «If I had to put in order of preference, writing, recording or performing, I think, without a shadow of a doubt, that I would say performing because that is for me where the music makes sense.»

Diskografii

Albene

• Dry (1992)
• Rid of Me (1993)
• 4-Track Demos (1993)
• To Bring You My Love (1995)
• Dance Hall at Louse Point (mìt em John Parish) (1996)
• Is This Desire? (1998)
• Stories from the City, Stories from the Sea (2000)
• Uh Huh Her (2004)
• The Peel Sessions 1991-2004 (2006)
• White Chalk (2007)
• A Woman A Man Walked By (mìt em John Parish) (2009)
• Let England Shake (2011)

Zämestellige

• The B-Sides (1995)

DVDs

• PJ Harvey On Tour: Please Leave Quietly (2006)

Weblink

 Allmänd (Commons): PJ Harvey – Album mit witere Multimediadateie

• Offizielli Website (änglisch)
• Offizielle dütschi Website
• PJ Harvey bi Indiepedia.de
• PJ Harvey bi MusicBrainz (änglisch)
• PJ Harvey bi Discogs (änglisch)
• Wyteri Gleicher (Link) zum Thema PJ Harvey im Open Music Project – MusicMoz (änglisch)

Dä Artikel basiert uff ere fräie Übbersetzig vum Artikel „PJ_Harvey“ vu de änglische Wikipedia. E Liste vu de Autore un Versione isch do z finde.