Ontario Lacus

Us der alemannische Wikipedia, der freie Dialäkt-Enzyklopedy
Dialäkt: Markgräflerisch (Ebringe)
Ontario Lacus isch die duńkel Formation middi links vu dem Bild vum Titan-Südpol

Dr Ontario Lacus isch e dunkli Formation in dr Nächi vum Südpol vum Saturnmond Titan. Si Namme dütet druf hi, dass es sich um e See handelet, aber säll isch bis jetz numme Spekulation. Wie d'Meere vum Erdmo chännt's sich au numme um e Ebeni handele. Dr Ontario Lacus isch nooch em Ontariosee in Nordamerika daift un het e ähnlichi Grössi.

S'Vorhandesi vu Meere oder See us flüssigem Methan het mer zuenächst fer d'Titanoberflächi agnu, aber d'Beobachtige vu dr Cassini-Huygens-Mission len anämme, dass dr Titan wohrschins druche isch, zuemindist in dr Gegewart. Allerdings chännte zwei Regione um dr Südpol, wo au Wolke ufträtte, e Usnahm bilde. Eini devu isch dr Ontario Lacus, wo scharf definierti Grenze het un vu sehr dunkler Färbig isch. Säll underschidet ihn vu andere so gnennte See, wo sich als Ebene rusgstellt hän. Allerdings isch s'dertig Vorhandesi vu ere Flüssigkeit bis jetzt noch blossi Spekulation.

Dä Artikel basiert uff ere fräie Übersetzig vum Artikel „Ontario_Lacus“ vu de englische Wikipedia. E Liste vu de Autore un Versione isch do z finde.