One Penny Black

Us der alemannische Wikipedia, der freie Dialäkt-Enzyklopedy
Hops zue: Navigation, Suech
One Penny Black
One Penny Black
Usgoob
Land Groossbritannie
Nominalwärt 1 Penny
Erstdaag 6. Mai 1840
Gültig bis
Gstaltig
Bildmotiv Königin Victoria
Farbe schwarz
Entwurf William Wyon
Stich F. Heath
Druckart Stichdiefdruck
Perforazioon Gschnitte
Bsunderhäite die ersti Briefmarke uf dr ganze Wält
Uflaag
Uflaag 68'808'000

Die erschti Briefmarke vo de Wält esch am 1. Mai in Grossbritannie entstande und esch bekannt worde als One Penny Black oder Penny Black, well de Nominalwert vor Marke ein Penny gsi esch und met schwarzer Farb druckt worde esch. Mer het si ab em 6.Mai chöne verwände. D`Marke esch ned zähnt und sie zeigt s`Profil vo de Königin Victoria. Am obere Rand stoht POSTAGE ond am undere ONE PENNY. En Länderbezeichnig, wie das hüt üblech esch, esch ned verwändet worde wells net notwändig gsi esch do si die erschti gsi esch. Die Britische Marke hend au bis hüt e kei Ländername sondern nume s`Profil vom jewilige Oberhaupt. d`Buechstabe i de lingge und rächte Egge gäbet Position (Ziile/Spalte) vo de Briefmarke em Drockboge ah.

D`Iihfüerig vo Briefmarke esch Teil vo de Britische Postreform vom Rowland Hill gsi, wo s möglech gmacht het Briefe vom Absänder zahle z`loh. Dorch en Schatzamtswettbewerb vom Schatzamt vom Vereinte Königriech het mer sech Idee zur Gstaltig vo de Briefmarke erwartet.

Zum One Penny Black herzstelle het mer Stahlplatte verwändet wo met eme sogenannte Tranfer Rollers s`Motiv 240 mol öbertreit worde esch. Dorch d`unterschidlechi Behandlig vo dene Platte händ zwösche 9000 und 38 000 Böge met jedere vo de 11 Platte chöne drockt wärde. En Usnahm esch die erschti Platte gse, wo vor ihrere Härtig 17 000 Stögg und nach de Härtig nomol 30 000 Böge drockt worde send. Die letschti Platte wo esch verwändet worde, met de Nummer 11, esch für de Drock vo de Penny Red vorbereitet gsi. Wäge de Markeknapheit esch si denn aber für schwarz igsetzt wurde. För 700 Böge. Die Markene vo dere Blatte send also am sältenschte und au am wertvollschte.

Bi de Sammler esch die Marke säbschtverständlech sehr beliebt.

d`One-Penny-Black esch nor eis Johr brucht worde, bevor si vo de Penny Red ersetzt worde esch. Ursrünglech send d`Enwertige i rot gsi. Die roti farb het mer aber relativ guet chöne wegbutze, dorom het mer denn schwarzi Entwertige gnoh. Schwarz esch aber nume schwär z`erkenne gsi uf de Marke, so dass velli Lüüt probiert händ en Marke mehrmols z`benütze. Uf de Penny Red hingäge het mer Schwarz sehr dütlech gseh.

Dä Artikel basiert uff ere fräie Übersetzig vum Artikel „One_Penny_Black“ vu de dütsche Wikipedia.

E Liste vu de Autore un Versione isch do z finde.