Olsberg AG
| Wappe | |
|---|---|
 |
|
| Basisdate | |
| Kanton: | Aargau |
| Bezirk: | Rhiifälde |
| BFS-Nr.: | 4257 |
| PLZ: | 4305 |
| Koordinate: | 47.52361 n. Br. 7.784729 ö. L. |
| Höchi: | 377 m ü. M. |
| Flächi: | 4.68 km² |
| Iwohner: | 370 (31. Dezämber 2010) [1] |
| Website: | www.olsberg.ch |
 Olsbärg |
|
| Karte | |
 |
|
Olsbärg (ˈɔlʃ.bəɾɡ, amtlig hochdütsch Olsberg)[1] isch e Iiwohnergmeind im Bezirk Rhiifälde vom Schwiizer Kanton Aargau. Si lit im Weste vo dr Region Frickdaal, öbbe drei Kilometer südlig vo dr Gränze zu Dütschland und gränzt an Kanton Basel-Landschaft.
Inhaltsverzeichnis |
[ändere] Geographii
S Dorf lit im Dal vom Violebach, in dr Übergangszone zwüschen em Dafeljura und dr Oberrhiinische Diefebeni. Es isch im doppelter Hiisicht in zwei Deil deilt. Dr Bach, wo dur s Dorf fliesst, isch gliichzitig d Kantonsgränze. Dr chliineri Dorfdeil im Süde, wo men em au «Ländli» sait, ghört zur Gmeind Arisdorf im Kanton Basel-Landschaft. Dr nördligi, aargauischi Dorfdeil lit am Fuses vom 469 Meter hoche Schönebärg. Drei Kilometer südsüdöstlig vom Dorfzentrum befindet sich en Exklave. Die isch unbewohnt und umfasst e Deil vom Osthang vom Eilete (626 müM) mit em Bowald.[2]
D Flechi vom Gmeindigebiet bedräit 468 Hektare, drvo si 277 Hektare bewaldet und 25 Hektare überbaut. Dr höggst Punkt lit uf 571 Meter im Nordweste vo dr Bowald-Exklave, dr diefst uf 316 Meter am Violebach.
Nochbergmeinde si Kaiseraugst im West, Rhiifälde im Norde, Magde im Oste und Aschdrf im Süde. D Exklave gränzt usserdäm an Hersberg und Nusshof.
[ändere] Bevölkerig
D Bevölkerungsentwicklig zwüsche 1900 und 2000:[3]
| Johr | 1900 | 1930 | 1950 | 1960 | 1970 | 1980 | 1990 | 2000 |
| Iiwohner | 259 | 244 | 230 | 218 | 205 | 265 | 314 | 374 |
Am 31. Dezember 2010 hai 370 Lüt z Olsbärg gwohnt, drvo 8,1 % Usländer. Bi dr Volkszellig 2000 si 44,3 % reformiert, 22,9 % römisch-katholisch und 10,9 % christkatholisch gsi; 1,1 % hai en anderi Religion aagee. 96,3 % hai Dütsch as ihri Hauptsprooch bezeichnet, 1,6 % Französisch.[4]
[ändere] Politik und Rächt
D Versammlig vo de Stimmberächtigte, d Gmeindiversammlig, het d Legislativgwalt. Die usfüehrendi Behörde isch dr fümfchöpfig Gmeindiroot. Si Amtszit isch vier Johr lang, und er wird im Majorzverfahre vom Volk gwehlt. Er füehrt und repräsentiert d Gmeind, vollzieht d Beschlüss vo dr Gemeindiversammlig und d Ufgoobe, won em dr Kanton und dr Bund zuedeile.
Für Rächtsstriitigkeite isch s Bezirksgricht Rhiifälde zueständig. Olsbrg ghört zum Friidensrichterkreis Rhiifälde.
[ändere] Weblingg
Allmänd (Commons): Olsberg — Witeri Mulitimediadateie zum Artikel- Offizielli Website vo dr Gmeind Olsbärg
- Artikel Olsberg (Gemeinde) im Historische Lexikon vo dr Schwiiz
[ändere] Fuessnote
- ↑ Beat Zehnder: Die Gemeindenamen des Kantons Aargau. In: Historische Gesellschaft des Kantons Aargau (Hrsg.): Argovia. Band 100, Verlag Sauerländer, Aarau 1991, ISBN 3-7941-3122-3, S. 337–339.
- ↑ Landescharte vo dr Schwiiz, Blatt 1068, Swisstopo
- ↑ Bevölkerungsentwicklung der Gemeinden im Bezirk Rheinfelden, Statistischs Amt vom Kanton Aargau
- ↑ Gemeindeporträt, Statistischs Amt vom Kanton Aargau
