Oberon (Mond)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
IV Oberon
Voyager 2 picture of Oberon.jpg
Dr Oberon, ufgnumme vu Voyager 2
Zentralchörper Uranus
Eigeschafte vum Orbit
Grossi Halbax 583.519 km
Periapsis 582.585 km
Apoapsis 584.453 km
Exzentrizität 0,0016
Bahnneigig 0,068°
Umlaufzitt 13,4632 Däg
Middleri Orbitalgschwindigkeit 3,15 km/s
Physikalischi Eigeschafte
Albedo 0,24
Schinbari Helligkeit 13,2 mag
Middlerer Durchmesser 1522,8 km
Masse 3,01×1021 kg
Oberflächi 7 300 000 km²
Middlere Dichti 1,63 g/cm³
Siderischi Rotation 13,4632 Däg
Axneigig 0,0°
Fallbeschlünigung an dr Oberflächi 0,346 m/s²
Fluchtgschwindigkeit 700 m/s
Oberflächetemperatur ca. 80 K
Entdeckig
Entdecker W. Herschel
Datum vu dr Entdeckig 11. Jänner 1787
Amerkige bundeni Rotation

Dr Oberon (au Uranus IV) isch dr usserscht un zweitgröscht vu dr grosse Mönd vum Planet Uranus. Er isch am 11. Jänner 1787 vum Wilhelm Herschel entdeckt un wie die andere vu dr vier zerscht entdeckte Uranusmönd (Oberon, Titania, Ariel, Umbriel) vu sinem Sohn John uf Figure vum William Shakespeare oder vum Alexander Pope daift worre. Dr Namenspatron vum Oberon isch in im Shakespeare sinem Summernachstdrüm dr Chenig vu dr Elfe.

Bahndate[ändere | Quälltäxt bearbeite]

Dr Oberon umchreist dr Uranus ime middlere Abstand vu 583.519 km in guet 13 Däg un 11 Stund. D'Bahn wiist e liichti Bahnexzentrizität vu circa 0,0016 uf un isch etwa 0,7° gegeniber em Äquator vum Uranus gneigt.

Ufbau un physikalischi Date[ändere | Quälltäxt bearbeite]

Dr Oberon het e Durchmesser vu 1523 km un isch demit numme gringfüegig (45 km) chleiner wie d'Titania. Driber nus ähnle sich die beide Mönd in ihrene physikalische Date starch, wobi Oberon mit ere middlere Dichti vu 1,63 g/cm3 nochmols eweng liichter isch wie si „Ehefrau“. Dr Oberon wiist e relativ hochi Albedo vu 0,24 uf, säll heisst 24% vum igstrahlte Sunneliecht werre vu dr Oberflächi reflektiert. Us beide Date losst sich ableite, dass dr Oberon wohrschins zue guet 50% us Wasseris, 30% us silikatischem Gstei un 20% us Chohlestoff- un Stickstoffverbindige bestoht.

Die middler Oberflächetemperatur betrait -188° Celsius. An dr Oberflächi betrait d'Schwerbeschlünigung 0,346 m/s2, säll entspricht numme 4% vu dr irdische.

Dr Oberon rotiert ebefalls in 13 Däg un 11 Stund um die eige Ax un wiist demit, wie dr Erdmo, e bundeni Rotation uf.

Ufnahme vu dr Rümsonde Voyager 2 hän e vu Chrater ibersaiti, veristi Oberflächi zeigt, wo offesichtlich sehr ald isch un numme wänig geologischi Aktivitäte ufwiist. In vilene Chrater finde sich uf em Bode Ablagerige vu ere noch ubechannte, dunkle Substanz.

Medie[ändere | Quälltäxt bearbeite]

 Allmänd (Commons): Oberon – Sammlig vo witere Multimediadateie

Weblink[ändere | Quälltäxt bearbeite]


Dä Artikel basiert uff ere fräie Übersetzig vu dere Version vum Artikel „Oberon_(Mond)“ vu de dütsche Wikipedia.

E Liste vu de Autore un Versione isch do z finde.