Niederweningen

Wappe

Basisdate
Kanton:	Züri
Bezirk:	Tielschtoorf
BFS-Nr.:	0091
PLZ:	8166
Koordinate:	47.507774 n. Br. 8.378892 ö. L.
Höchi:	505 m ü. M.
Flächi:	6.88 km²
Iwohner:	2.729 (31. Dezämber 2010) [1]
Website:	www.niederweningen.ch
Karte
f w w w

Niderwenige isch e politischi Gmeind im Bezirk Tielschtoorf im Kanton Züri. Es ligt im Wehntal zwüsche de Lägere und de Egg und isch de gröschti Fundort vo Mammutchnoche in de Schwiiz.

Inhaltsverzeichnis

1 Geographii
2 Gschicht
- 2.1 Mammutfund
- 2.2 Vercheer
3 Bilder
4 Weblinks

[ändere] Geographii

De Gmeindsbann vo Niderwenige het 688 Hektare, vo dene sind öppe 38% Wald, 13% überbaut und uf 40% vo de Flächi wird buuret. Nochbargmeinde sind im Kanton Züri Schliinike und Otelfinge, im Kanton Aargau Siglischtorf, Schneisige, Ähredinge und Wettige.

[ändere] Gschicht

De alti Ortkärn mit eme Rigelhuus und de Chile

Im Mittelalter het Niderwenig zerscht zum Territorium vom 1127i bis zum 1218i de Zähringer ghört. Vo dene isch d Herrschaft an d Rägischberger cho und im 1409 an Züri. Mit de Helvetik und de Mediationsverfassig het Niderwenige, wo jetzt e Gmeind isch gsi, en Gmeindsrot übercho. D Gmeind het zum Bezirk Bülach ghört. Sit em 1890i isch Niderwenige an d Iisebahn aagschlosse, wo d Schwiizerischi Nordoschtbahn d Linie vo Tielschtoorf bis Niderwenige verlängeret het.

[ändere] Mammutfund

Scho im 1890i, wo d Wehntalbahn bauet worde-n-isch, het me z Niderwenige Chnoche vo sibe Mammut gfunde. Ai im 1967i und im 2003 sind Überrescht vo prähistorischi Tiir gfunde worde. De Verein für Ortsgschicht het us dem Grund zämme mit de Kantonsarchäologii z Niderwenige es Mammutmuseum bauet.

[ändere] Vercheer

In Niederwenige befindät sich dä Endbahnhof vo dä Wehntalbahn. Das isch äigätli nöd ä so plant gsy. Uursprünglich hät mä d Wehntalbahn welle dur's Surbtal bis Döttige im Kanton Aargau wiiterboue. Dänn isch aber dä erschti Wältchrieg uusbroche und die Plän sind vorerscht uf Iis gläit worde. I dä Nünzädrysgerjahr isch s'Projekt vonäre Wiitärfüerig vo dä Wehntalbahn ändgültig beerdigät worde, well mä i däre Zyt dänn plötzlich wäg dä bessäre Strasse und Fahrzüg am Bus vor dä Bahn dä Vorzug gee hät. So isch Niderweninge zum Endbahnhof worde. Di wyter Verbindig nach Weschte wird hüt dur äs Poschtauto sichergschtellt, wo über d'Hauptstrass 17 vo Niederwenige nach Döttige faart. Än andäri Poschtautoverbindig füert über Siglistorf nach Kaiserschtuel.