Die Neue Fricktaler Zeitung isch e regionali Zitig us Rhiifälde und Frick für s ganze Frickdaal, wo dreimol in dr Wuche as abonnierti Zitig erschiint. D Donnstigusgoob wird as Gratisusgoob an alli Huushalt im Frickdaal verdeilt. D Uflag isch öbbe 10'000 Exemplar (22'000 Läser) bi de zahlte Usgoobe und öbbe 36'000 Exemplar (42'000 Läser) bi dr Gratisusgoob.
Die Neui Frickdaaler Zitig isch am 13. April 2005 us dr Fusion vo dr Fricktaler Zeitung und vom Fricktaler Boten entstande. Dr eltisti Vorläufer vo dr Zitig isch d Volksstimme aus dem Fricktal, wo 1861 gründet worden isch.