Neftenbach
| Neftenbach | |
|---|---|
 |
|
| Basisdate | |
| Staat: | Schwiiz |
| Kanton: | Züri (ZH) |
| Bezirk: | Wintertuur |
| BFS-Nr.: | 0223 |
| Poschtleitzahl: | 8413 |
| Koordinate: | 692602 / 26493447.5286118.668328415Koordinate: 47° 31′ 43″ N, 8° 40′ 6″ O; CH1903: 692602 / 264934 |
| Höchi: | 415 m ü. M. |
| Flächi: | 14.95 km² |
| Iiwohner: | 5312 (31. Dezämber 2011)[1] |
| Website: | www.neftenbach.ch |
| Karte | |
 |
|
Näftebach (au Näfti, amtlich Neftenbach) isch e Politischi Gmäind im Bezirk Wintertuur im Kanton Züri, Schwiiz.
Inhaltsverzeichnis |
Wappe [ändere]
Blasonierig
- Schräg gviert vo Silber und Blau
S Wappe gaht uf d Freiherre vo Wart zruck und isch 1921 zum Gmeindswappe bstimmt worde.
Geografii [ändere]
Näftebach isch äs Dorf diräkt bi Winti im untere Tösstal, 19 km Luftlinie vo Züri eweg. S lit uf ere Schotterterrasse am Südhang vom Irchel. Vo dr Gmeindflächi - 1495 ha - diene 55 % dr Landwirtschaft, 30 % isch Wald, 10 % isch Siedligsgebiet und 4 % diene em Verchehr.
Uf de 1. Januar 2013 wird de Wiiler Oberhueb (au Obere Hueb) vo de Gmeind Buech abtrännt und Näftebach aagschlosse.
Gschicht [ändere]
In dr römischer Zeit isch in dr Steimöri (unterhalb vom Fridhof) e römischer Guetshof gsi, wo hüt überbaut isch (Sattleracherstrass und Aspacherstrass). Bi dr Uusgrabige het mer da 1986 in eme Bronzegfäss e Münzhort entdeckt mit 1'243 römische Silbermünze us dr Jahre 197-265 n.Chr. Di erscht urchundlich Erwähnig stammt us em Jahr 1209, wo e Lütpriester vo „Neftinbach“ bimene Rächtsgschäft mitgwirkt het. S Biet het dr Freiherre vo Wart ghört. Dene ihr Wappe isch au sit 1921 s offiziell Gmeindswappe. Im Mai 1799 isch im Dorf zuemene Gfecht zwische dr Franzose und dr Österriicher cho, wo noch e verirrti Chugle im Chor vo dr Chille dra erinnert.
Bevölcherig [ändere]
| Bevölcherigsentwicklig | |
|---|---|
| Jahr | Iiwohner |
| 1836 | 1452 |
| 1850 | 1490 |
| 1880 | 1421 |
| 1900 | 1608 |
| 1941 | 706 |
| 1950 | 1853 |
| 1970 | 2180 |
| 1990 | 3731 |
| 2005 | 4549 |
| 2010 | 5224 |
De Uusländeraatäil liit bi 10,4 % (Stand 2011).
Politik [ändere]
Dr 7-chöpfig Gmeindrat setzt sich us sächs Manne und einere Frau zämme, mit dere Parteizämmesetzig: 3 FDP, 2 Freie Wähler und 2 SVP. Aktueller Gmeindspräsident isch dr Dr. Manfred Stahel (Stand 2012).
Bi de Kantonsraatswaale 2011 hät s das Ergebnis ggee: BDP 3,6 %, CVP 2,7 %, EDU 4,4 %, EVP 3,6 %, FDP 13,8 %. GLP 10,7 %, GP 9,0 %, SP 11,9 %, SVP 38,8 %, Suschtigi 1,6 %.
Wirtschaft [ändere]
D Arbetslosigkäit isch im Jaar 2010 bi 2,3 % gläge.
Tieläkt [ändere]
De züritüütsch Tieläkt vo Näftebach, Näfti ghört zue de Winterthurer Mundarte.
Literatur [ändere]
- Jürg Rychener: Der römische Gutshof in Neftenbach, 2 Bände, Zürich und Egg 1999 (Monographien der Kantonsarchäologie Zürich 31/1-2).
- Eugen Ott, Hans Kläui, Otto Sigg: Geschichte der Gemeinde Neftenbach, Neftenbach 1979.
Fuessnote [ändere]
Weblink [ändere]
Allmänd (Commons): Neftenbach – Sammlig vo witere Multimediadateie
| Dä Artikel basiert uff ere fräie Übbersetzig vum Artikel „Neftenbach“ vu de dütsche Wikipedia.
E Liste vu de Autore un Versione isch do z finde. |
