Necker

Dä Artikel hät e mehrdütige Titel. Für wíteri Bedytige lüeg Necker (Begriffsklärung).

Necker unterhalb vo de Halbinsle Winzlisau in Oberhelfeschwil

De Necker oder au Negger (IPA: ˈnɛkxər, ˈnɛk:ər) isch en Fluss im Toggeburg. Er isch 33 km lang und sis Iizugpiet bitrait 123 km². Er entspringt oberhalb vo de Waldschlucht Ofeloch uf Chrumenauer Bode a de Grenze zu Urnäsch. Er flüsst den s Neckertal döräb bis uf Lütisburg, wonner i d Thur mündet.

Am Necker gsiet me öppedie no de seltnig Iisvogel (Alcedo atthis). Im Underlauf lebet 10 Fischarte: em hüüfigste sind Bachforele (Samo trutta fario), d Baarbe (Barbus barbus) und de Alet (Leuciscus cephalus). Au d Äsche (Thymallus thymallus), de Gropp (Cottus gobio), s Grundbarbeli (Barbatula barbatula) und de Strömer (Leuciscus souffia) sind nöd selte.

Lueg au

 Allmänd (Commons): Necker — Witeri Mulitimediadateie zum Artikel

• Internetsiite vo de Turismusorganisation Neckertal