Nasenspiegel
Dr Nasespiegel (Rhinarium), bin e baar Grosssüüger sait men em Muffel, isch e Beriich, wo von ere Schliimhut um die Naselöcher vo Süüger nildet wird und chunnt vor allem bi Makrosmate — also Dier mit eme guet entwicklete Gruchssinn — vor.[1] Er isch kennzeichnet vom Fehle vo Hoor, dr Fälderig vo dr Oberflechi und de vile Drüese und Dastkörperli.[2] Aber bim Moschusochs und bim Wiissschwanz-Stachelschwiin het s Hoor uf em Nasespiegel.[1]
Hüfig isch dr Nasespiegel uf e Beriich um d Naselöcher beschränkt, bsunders bi Raubdier und Paarhuefer. Mänggisch ghört au d Oberlippe drzue und denn het mä e Nase-Lippe-Spiegel, wie s Flotzmuul vo de Rinder und d Rüsselschiibe vo de Säu. Über s Philtrum cha dr Nasespiegel mit dr Schliimhuut vom Muulvorhof verbunde si.[2]
Under de Primate hai d Füechtnasenaffe e Nasespiegel. Die verchürzti Schnauze vo de Drochenasenaffe het drgege kei Nasespiegel, so dass deren ihri Oberlippe, wo nit underbrochen isch und Hoor druf wachse, e hochi Differenzierig vo dr mimische Muskulatur vom Muul möglig macht.[2]
Nowiis [ändere]
- ↑ 1,0 1,1 Rolf Sauermost, Doris Freudig (Hrsg.): Lexikon der Biologie in vierzehn Bänden. Neunter Band. Spektrum Akademischer Verlag (Elsevier), Heidelberg 2002, ISBN 3-8274-0334-0 (514 Siite, dütsch; S. 483).
- ↑ 2,0 2,1 2,2 Dietrich Starck: Lehrbuch der Speziellen Zoologie. Band II: Wirbeltiere. 5. Teil: Säugetiere. Gustav-Fischer-Verlag, Jena 1995, ISBN 3-334-60453-5 (1241 Siite, dütsch; S. 121).
| Dä Artikel basiert uff ere fräie Übbersetzig vu dere Version vum Artikel „Nasenspiegel“ vu de dütsche Wikipedia.
E Liste vu de Autore un Versione isch do z finde. |
