Namaste

Us der alemannische Wikipedia, der freie Dialäkt-Enzyklopedy
Hops zue: Navigation, Suech
typischi Gruessgeste z Indie

Namaste (Sanskrit, Hindi: नमस्ते, namaste [nʌmʌsˈteː]) isch de typischi Gruess vo Indie und Nepal, wo aber au vo Hindu i verschidnige Länder bruucht werd. Au im Yoga werd de Gruess mengisch bruucht. Verbunde werd de Gruess mitere Geste, em añjali-mudra, wo d Händ vor de Brust gfaltet wered. De Gruess cha au nume mit dere Geste uusdruckt were. De Gruess isch uralt und chunnt scho im Rigveda III,33,8 vor und isch au im Avestische as "nəmasə.tē" bikannt.

Bidüttig[ändere | Quälltäxt bearbeite]

Namas-te isch zämegsetzt usem Substantiv námas »Vereerig« und em enklitische Pronome im Dativ -te »dir«. De Gruess bidüttet aso "Vereerig dir!«. S Verb nam- bidütete "grüeze, sich verbüüge, vereere«. Nebet de gwönliche Bidüttig gits ono spirituelli Bidüttige wie "s Göttliche i mer grüezt s Göttliche i der!«