Nairobi

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Vorlage:Infobox Ort/Wartung/ISO

Nairobi
Nairobi (Kenia)
Nairobi
Nairobi
Symbol
Flagge
Flagge
Basisdate
Staat Kenia
Provinz Nairobi
Höchi 1.650 m
Flechi 693 km²
Iiwohner 2.750.561 (1. Januar 2005)
Dichti 3.969,1 Iiwooner/km²
ISO 3166-2 KE-110
Webuftritt www.nairobicity.org
Politik
Gouverneur Geoffrey Majiwa
Skyline vo Nairobi
Skyline vo Nairobi

-1.283333333333336.816666666667Koordinate: 1° 17′ S, 36° 49′ O

Lageblan, Stadtdail un wichtigi Pinkt im Zäntrum
Di greschte Slum vu Nairobi
Slum Kibera

Nairobi isch d Hauptstadt vu Kenia. Dr Name vu dr Stadt chunnt vu Engare Nyarobie (Maa-Sproch]), was „chiele Fluss“ haißt. D 2.750.561 Yywohner (Stand 1. Jänner 2005) läbe uf ere Flechi vu rund 693 Quadratkilometer. Nairobi isch au d Hauptstadt vu aire vu dr acht Provinze vum Land.

Geografi[ändere | Quälltäxt bearbeite]

Geografischi Lag[ändere | Quälltäxt bearbeite]

Nairobi lyt im Side vu Kenia uf ere durschnittlige Hechi vu 1.624 m ü. NN am Fluss Nairobi, eme Näbefluss vu dr Athi.

Klima[ändere | Quälltäxt bearbeite]

D Stadt lyt in dr tropische Klimazone, het aber wäg ihre Hechi e weng e milder Klima. Di durschnittlig Johrestämperatur lyt bi 19 Grad Celsius, d Johresniderschlagsmängi bi 1024,2 Millimeter im Mittel.

Dr wermscht Monet isch dr Merz mit durschnittli 20,5 Grad Celsius, dr cheltscht dr Juli mit 16,8 Grad Celsius im Mittel. Dr maischt Niderschlag gheit im April mit durschnittli 219,4 Millimeter, dr gringscht im Juli mit 17,5 Millimeter im Mittel.

Monatligi Durschnittstemperature un -niderschleg fir Nairobi
Jan Feb Mär Apr Mai Jun Jul Aug Sep Okt Nov Dez
Max. Temperatur (°C) 24,5 25,6 25,6 24,1 22,6 21,5 20,6 21,4 23,7 24,7 23,1 23,4 Ø 23,4
Min. Temperatur (°C) 11,5 11,6 13,1 14,0 13,2 11,0 10,1 10,2 10,5 12,5 13,1 12,6 Ø 12
Niderschlag (mm) 64,1 56,5 92,8 219,4 176,6 35,0 17,5 23,5 28,3 55,3 154,2 101,0 Σ 1.024,2
Rägedäg (d) 4 5 9 16 13 5 3 4 4 7 15 8 Σ 93
T
e
m
p
e
r
a
t
u
r
24,5
11,5
25,6
11,6
25,6
13,1
24,1
14,0
22,6
13,2
21,5
11,0
20,6
10,1
21,4
10,2
23,7
10,5
24,7
12,5
23,1
13,1
23,4
12,6
Jan Feb Mär Apr Mai Jun Jul Aug Sep Okt Nov Dez
N
i
e
d
e
r
s
c
h
l
a
g
64,1
56,5
92,8
219,4
176,6
35,0
17,5
23,5
28,3
55,3
154,2
101,0
  Jan Feb Mär Apr Mai Jun Jul Aug Sep Okt Nov Dez


Stadtglidering[ändere | Quälltäxt bearbeite]

Rund 60 Brozänt vu dr Yywohner vu Nairobi läbe in Slum, wu siber 200 dervu git.[1] Im Nordoschte vu dr Stadt im Mathare Valley lyt s eltscht Slum vu dr Stadt. An dr Yysebahnlinie im Sidweschte lang lyt s Slum Kibera, mit rund 200.000 Yywohner. Friejeri Schetzige, s sei s grescht Slum vu Afrika mit bis zue 1 Million Yywohner, sin mit ere Volkszellig widerlait wore.[2][3] Anderi Slum sin Korogocho un s Slum z Kariobangi.

Im Side vu Nairobi lyt dr mondän Vorort Karen, gnännt no dr dänische Schriftstelleri un Farmeri Karen Blixen, wu dert vil Johr gläbt het.

Gschicht[ändere | Quälltäxt bearbeite]

Nairobi isch us eme Yysebahnlager un Versorgigsdepot entstande, wu di britisch Verwaltig vu Uganda anne 1896 im moosige Biet im ääntrum vu Kenia errichtet ghaa het. Ai Johr dervor isch vu Mombasa uus mit em Böu vu dr Yysebahnlinie aagfange wore, wu d Kischte un Uganda hätt solle verbinde. Dää Ort im Hochland, wu vu Massai un Kikuyu bsidlet gsii isch, isch fir s Yysebahnlager gwehlt wore wäg dr Fliss in dr Geegnig un wäg em ginschtige Klima.

Anne 1899 het d Verwaltig vu dr Uganda Railways ihr Hauptquartier uf Nairobi verlait, im nämlige Johr, isch au d Adminischtration vu dr Ukamba-Provinz vu Machakos uf Nairobi zoge. Im Dezämber 1901 het sich e erschte Stadtrot bildet. Um des Zyt het d Ortschaft allmo dr Karakter vun eme riisige Zältlager ghaa, e Beobachter het si as "dr gsetzlosescht un gfehrligscht Ort vu Afrika" bschribe.[4]

Segs Johr speter, 1907, isch Nairobi Hauptstadt vum britische Protektorat Oschtafrika (wie di speter Koloni Kenia bis 1920 ghaiße het), un het dodermit Mombasa abglest. Scho in däre Phase isch si enorm gwagse. Iber 1200 Wyssi hän do indr Zwischezyt gläbt.[5] Nairobi isch s kommerziäll un kulturäll Zäntrum fir all greßer zahl vu europäische Sidler im noche Hochland gsii un d Basis fir dr Jagdtursimus, wu all mee zuegnuu het. Dr Böu vum greschte Dail vu dr Gebei het dr indisch Chaufmann un Böuunternämmer Alibhoy Mulla Jeevanjee ibernuu, wu sich scho dur e Verdrag mit Uganda Railways iber d Verschiffig vu dr indische Böuarbaiter un d Versorgig vu ene bewehrt ghaa het.

D Stadt, wu aigetli fir do europäische un indische Bewohner vu dr Koloni blant gsii isch, het aber au vil Afrikaner aazoge, wu vu Aafang aa di groß Mehrhait vu dr Bewohner gstellt hän. Näbe afrikanische un indische Bahnarbaiter, wu in aaglaite Barackelager gwohnt sin, hän sich au sudanesischi un somalischi Händler un Soldate aagsildet, Dreger us allne Dail vu Oschtafrika un d Hilfssoldate vu dr Kolonialdruppe, vor allem Massai, Nandi un Baganda us dr Nochberkoloni. Derzue sin e Huffe Kikuyu us em Umland in d Stadt zoge. Si sin an dr Ränder vu dr Stadt gwohnt, in illegale Viertel, wu e Dail dervu schnäll abgrisse woire sin, anderi dergege sin e Zytlang stoo bliibe. Im johr 1921 hän rund 12.000 Afrikaner in acht verschide afrikanische Stadtviertel gläbt, unter anderem Mombasa, Masikini, Kaburini, Kariokor un Kibera, Pumwani un Pangani. In däne afrikanische Viertel sin d Urspring vun ere erschte organisierte antikoloniale Bewegig entstande. Vor allem d Teestube vu Pangani in dr eschtlige Vorstadt un am Sunntig dr Sportblatz vum Viertel sin Dräffpinkt fir bolitisch Aktivi gsii, bis Pangani anne 1938 abgrisse woren isch.

Yywohnerentwicklig[ändere | Quälltäxt bearbeite]

Die Ibersicht zaigt d Yywohnerzahle noch em jewylige Bietsstand.

        Jahr         Yywohner
1906 11.500
1911 14.000
1921 24.300
1926 29.900
1929 32.900
1931 47.800
1939 61.300
1944 108.900
1948 119.000
1955 186.000
        Jahr         Yywohner
1957 221.700
1960 251.000
1962 266.800
1965 380.000
1969 509.300
1979 827.775
1989 1.324.570
1995 1.810.000
1999 2.143.254
2005 2.750.561

Sproche[ändere | Quälltäxt bearbeite]

Di am maischte gschwätzte Sproche z Nairobi sin Kiswahili un Änglisch. In dr Slum braitet sich d Jogedsproch Sheng uus.

Internationals[ändere | Quälltäxt bearbeite]

Jomo-Kenyatta-Statue un sBarlemäntsgebei

Nairobi isch e stark international bregti Stadt:

  • Nairobi isch aini vu dr Stedt wältwyt mit eme Biro vu dr Verainte Natione (näbe New York, Wien un Gämf)
  • S Umwältbrogramm vu dr Verainte Natione (United Nations Environment Programme, UNEP), het syy wältwyt Hauptquartier z Nairobi.
  • Au s United Nations Human Settlements Programme (HABITAT) het syy Wälthauptquartier in dr kenianische Hauptstadt.
  • Derzue hän 22 wyteri regionali Biro vu Organisatione vu dr UN oder Stiftige ihre Sitz z Nairobi, z. B. d FAO oder UNHCR.

Partnerstedt[ändere | Quälltäxt bearbeite]

  • Flag of the United States.svg Denver, USA

Zum Aaluege[ändere | Quälltäxt bearbeite]

Böuwärch[ändere | Quälltäxt bearbeite]

  • Nationalmuseum mit ere große sammlig zu dr afrikanische Friegschicht
  • s Yysebahnmuseum
  • s Barlemäntsgebei
  • s Rothuus
  • s Gricht
  • s Nationaltheater
  • d Nationalbibliothek

Nairobi-Nationalpark[ändere | Quälltäxt bearbeite]

Dr Nairobi-Nationalpark isch anne 1946 ufgmacht wore. Dr Park isch nume 7 km vum Stadtzäntrum ewägt un rund 120 km² groß. S het dert e großi Vilzahl vu Dierarte: 80 Suuger- un iber 500 Vogelarte sin noogwiise wore. Unter anderem het s Leebe, Leoparde, Geparde, Hyäne, Massai-Giraffe, Biffel, Buschsei, Thomson- un Grant-Gazelle un e baar vu dr letschte Spitzmuulnasherner. Di hyfigschte Arte im Nairobi-Nationalpark sin Schabrackenschakal, Gnu, Chueantilope un Zebra.

Langatta Giraffe Center[ändere | Quälltäxt bearbeite]

S Langatta Giraffezäntrum wird vum African Fund for Endangered Wildlife (AFEW) im Stadtdail Langatta unterhalte. Vis-à-vis vum Zäntrum fangt e ca. 1-2 km lange Naturwanderwäg aa in eme urspringlige Wald.

Karen Blixen Museum[ändere | Quälltäxt bearbeite]

S Karen Blixen Museum isch anne 1986 ufgmacht wore im ehmolige Wohnhuus vu dr dänische Schriftstelleri Karen Blixen, wu dur d Verfilmig vu ihrem Roman Afrika - dunkel lockende Welt unter em Titel Jenseits von Afrika wältberiemt woren isch. Ihre Haus isch vum kenianische Staat ufgchauft wore un isch syterhär e Museum.

Bildig[ändere | Quälltäxt bearbeite]

Z Nairobi git s d University of Nairobi (UoN), d Kenyatta University, d Jomo Kenyatta University of Agriculture and Technology (JKUAT), e Polytechnikum, di Katholisch Universitet vu Oschtafrika un e baar anderi Forschigsinschtitut.

Lyt[ändere | Quälltäxt bearbeite]

  • Richard Dawkins, änglische Zoolog, Etholog un Evolutionsbiolog
  • Richard Leakey, Paläoanthropolog
  • McDonald Mariga, kenianische Fueßballspiler
  • Wangechi Mutu, kenianischi Chinschtleri
  • Catherine Ndereba, kenianischi Maratholaiferi un Olympioniki
  • Dennis Oliech, kenianische Fueßballspiler
  • George Owino, kenianische Fueßballspiler
  • Kiran Shah, kenianische Filmschauspiler un Stuntman
  • Simon Shaw, änglische Rugby-Union-Nationalspiler
  • Roger Whittaker, britische Sänger un Liedermacher

Fueßnote[ändere | Quälltäxt bearbeite]

  1. Die neue Apartheid – Slums in Nairobi, Deutsche Welle, 23. Februar 2007.
  2. Der Millionenschwindel - Der Mythos vom größten Slum Afrikas. ZDF online, 24. Novämber 2010
  3. Muchiri Karanja: Myth shattered: Kibera numbers fail to add up. Daily Nation, 3. September 2010
  4. Carl G. Rosberg/John Nottingham: The Myth of Mau Mau. Nationalism in Kenya. Nairobi 1985. S. 23.
  5. Richard Meinertzhagen: Kenya Diary, London 1983, S. 301.

Weblink[ändere | Quälltäxt bearbeite]

 Allmänd (Commons): Nairobi – Sammlig vo witere Multimediadateie
Dä Artikel basiert uff ere fräie Übersetzig vum Artikel „Nairobi“ vu de dütsche Wikipedia.

E Liste vu de Autore un Versione isch do z finde.