Mummelsee

Us der alemannische Wikipedia, der freie Dialäkt-Enzyklopedy


Mummelsee
dr Mummelsee
Geographischi Lag im nerdlige Schwarzwald
Date
Koordinaten 48° 21′ 19,08″ N, 8° 7′ 13,08″ OKoordinate: 48° 21′ 19,08″ N, 8° 7′ 13,08″ O
Mummelsee (Baden-Württemberg)
Mummelsee (Baden-Württemberg)
Mummelsee
Mummelsee
Höchi über em Meeresspiegel 1.036 m ü. NHN
Flechi 3,7 hadep1
Umfang 800 mdep1
Maximali Diefi 17 m

f

Dialäkt: Markgreflerisch (Obfige)

Dr Mummelsee isch e Karsee im Schwarzwald. Är isch 3,7 Hektar groß, 17 Meter dief un lyt uf 1036 m NHN. Ä ghert zem Baan vu dr Gmei Seebach in dr Nechi vu Achere im nerdlige Schwarzwald.

Dr See zellt zue dr am meischte bsuechte Seeä z Bade-Wirttebärg, wel er diräkt an dr Schwarzwaldhochstroß lyt.

Är isch im Weschte, Norde un Oschten vu gäche, bewaldete Bärghäng yygsuumt un het e Umfang vu uugfehr 800 Meter. No Weschte stygt dr Stade vum See zum „Katzekopf“ (1123 Meter) aa un no Norde zue dr Hornisgrind, em mit 1164 Meter hegschte Bärg vum Nordschwarzwald. Nume no Side sin d Stade vum Mummelsee fascht flach; dert lige ne Hotäll un e Restaurant.

Gastronomii un Gwärb[ändere | Quälltäxt bearbeite]

Wel dr See ginschtig an dr bekannte Schwarzwaldhochstroß lyt, isch dr See au fir dr Turismus inträssant wore. E greßer Gebäude mit eme Hotel, zwei Restaurant un eme Läbesmittel- un Suvenierlade git s diräkt näben em große Bsuecherparkplatz. Dodernäbe git s e Imissstand mit eifach Sitzglägeheite un e Bootsverlej, wu mer cha Drätboot miete. S het e yychaufsglägeheit, wu mer cha Suveniers chaufe un Schwarzwälder Läbesmittel wie Schunke, Wurscht un Chees. In eme Holzofe wird uf traditionälli Art Burebrot bache.

S Hotäll isch am 5. Mai 2008 zum große Deil abbrännt zerstört.[1] Ursach isch wahrschyns fahrlässigi Brandstiftig gsi.[2] S Hotäll soll im Schwarzwaldstil wider ufböue wäre, ad Nutzflechi soll aber vu 2385 uf 3690 Quadratmeter erhecheret wäre. S Hotäll soll speteschtens 2010 wider ufgmacht wäre.[3]

Dr Mummelsee in dr Literatur[ändere | Quälltäxt bearbeite]

  • Um dr See, wu friejer ohni d Stroßeaabindig zimli einsam gsi isch, git s vil Sage. No eire Sag het im See e Nixe gläbt, wu dr Mänsche in dr Nacht ghulfe het un mit ene danzt, gspilt un gsunge het.
  • Die Sage hän dr Eduard Mörike zue syynem Gedicht Die Geister am Mummelsee aagregt.

Chunschtpfad[ändere | Quälltäxt bearbeite]

Uf em „Chunschtpfad“ rund um dr Mummelsee sin Chunstwärch vu modärne Chinschtler inschtalliert un in d Natur yybunde.

Verchehrsaabindig[ändere | Quälltäxt bearbeite]

Parkplätz fir d Bsuecher vum See lige am Sidstade. As effetlige Verchehrsmittel git s dägligi Verbindige mit Wanderbus vu Bade-Bade un Achere uus, wu s Bade-Wirttebärg-Ticket un s Wuchenändtickt din gälte.

Bildergalerii[ändere | Quälltäxt bearbeite]

Weblink[ändere | Quälltäxt bearbeite]

 Commons: Mummelsee – Sammlig vo Multimediadateie

Fuessnote[ändere | Quälltäxt bearbeite]

  1. SWR.de: Millionenschaden bei Hotelbrand am Mummelsee (Site cha nüme abgrüeft wärde; Suche im Webarchiv)[1] [2] Vorlage:Toter Link/www.swr.de
  2. TV-Suedbaden.de: Die Ermittlungen zur Brandursache im Hotel am Mummelsee sind abgeschlossen Archivlink (Memento vom 5. Jänner 2011 im Internet Archive)
  3. Grünes Licht für Mummelseehotel Archivlink (Memento vom 2. Augschte 2009 im Internet Archive)
Dä Artikel basiert uff ere fräie Übersetzig vum Artikel „Mummelsee“ vu de dütsche Wikipedia. E Liste vu de Autore un Versione isch do z finde.