Motor

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Verschidnigi Elektromotore, mit ere 9-V-Batterii as Gröössivergliich
E Mercedes-V6-Rennmotor us dr DTM

E Motor (latiinisch mōtor ‚Beweeger‘) isch e Maschine, wo mechanischi Arbet verrichdet. Er wandlet drbii äi Energiiform, z. B. thermischi, chemischi oder elektrischi Energii in Beweegigsenergii um.

Mäistens het e Motor e Wälle, wo sich dräit und eso mechanischi Vorrichdige, wie Getriib, aadribt. Usnaame si Raggeetemotor und Linearmotor. Die mäiste Motör wo hüte iigsetzt wärde, si Verbrennigsmotör, wo chemischi Energii umwandle, und Elektromotör, wo mit elektrischer Energii betriibe wärde.

Gschicht[ändere | Quälltäxt bearbeite]

D Arte vo Motör, wo hüte wirtschaftlig am wichdigste si, si erst im 19. Joorhundert ufchoo. D Wasserchraft und d Windenergii häi in dr Vergangehäit e relativ seer vil gröösseri Rolle gspiilt as hüte und si mit äifache Motör wie Wasser- und Windreeder usgnützt worde, und dr Wind het au Seegelschiff aadriibe. Sust het sich d Menschhäit aber uf d Muskelchraft vo Dier und vo Mensche müesse verloo, wo in underentwicklete Länder immer no e riisigi Rolle spiilt.

Weblingg[ändere | Quälltäxt bearbeite]

Wikibooks-logo.svg Wikibooks: Motoren aus technischer Sicht — Lern- und Lehrmaterialie

 Allmänd (Commons): Motor – Sammlig vo witere Multimediadateie