More than Honey

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Filmdate
Orginaltitel: More than Honey
Produktionsland: Flagge von SwitzerlandSwitzerland Schwiiz
Flagge DeutschlandsDeutschland Dütschland
Flagge von AustriaAustria Öschtriich
Erschinigsjoor: 2012
Längi (PAL-DVD): 90 Minute
Orginalsprooch: Deutsch, Schweizerdeutsch, Englisch, Mandarin
Altersfreigaab: FSK 7
Stab
Regie: Markus Imhoof
Dräibuech: Marus Imhoof
Produktion: Pierre-Alain Meier, Schwiz
Thomas Kufus, Dütschland
Helmut Grasser, Öschtriich
Musig: Peter Scherer
Kamera: Jörg Jeshel
Schnitt: Anne Fabini
Bsetzig

More than Honey (übersetzt; Meh als Honig) isch en Dokumentarfilm vom Schwizer Reschissör Markus Imhoof, wo im Joor 2012 is Kino cho isch.

Am 11. August 2012 isch de Film am Locarno Film Festival uurufgfüert und am 2. Oktober au am Hamburg Film Festival zaiget worde. Am 25. Oktober isch dänn de Kinostart i de Dütschschwiz und am 28. November 2012 i de Romandii gsi.[1] Z Dütschland wird de Film sit em 8. November 2012 und z Frankriich ab em 20. Februar 2013 zeiget.

De Film isch i de Schwiz zum erfolgriichschte Schwizer Kinofilm vom Joor 2012[2] und zum erfolgriichschte Schwizer Dokumentarfilm vo allne Zite worde.[3] Die internazionali Kooprodukzion hät näbed em Schwizer Filmpriis au z Dütschland und z Öschtrych di jewils högschti nazionali Uuszaichnig für Dokumentarfilm gwunne.[3]

Inhalt[ändere | Quälltäxt bearbeite]

De Dokumentarfilm „More Than Honey“ goot em wältwite Biinestärbe noche. Er zeiget uf, dass mee als eis Drittel vo üserne Nahrigsmittel ohne s Mitwirke (Bestäübig) vo de Biine nöd wachse würdi. Dä Albert Einstein söll gsait ha; wenn d Biine uusstärbed, stirbt de Mänsch vier Joor spööter au uus.[4]

Im Film gseht me i iidrückliche Noochufnaame s Läbe vo de Biine und eri Organisazion innerhalb vom Biinevolk. Me chan di underschidlichschte Imker bi erer Arbet beobachte und es wird eri Bezüchig zu erne Biinevölker belüchted. So gseht mer zum Bispil en Imker us Twirgi im Nessetal (Gmaind Gadme im Bärner Oberland), Königinnezüchterinne us Mariazell i de Steiermark, verschidnigi Imker i de USA, bis hi zume Biineforschertiim z Australie. I gwüssne Gegende z China sind d Biine bereits uusgstorbe und d Bestäübig vo de Blüete werd i müeseeliger Chliiarbet dor d Mänsche gmacht.

Füüf Joor Arbet hät de Markus Imhoof und sini Lüt i dä Film gsteckt.

Uuszeichnige[ändere | Quälltäxt bearbeite]

  • Am 18. Januar 2013 hät de Film More than Honey de «Bayerisch Filmpriis» i de Kategorii «Dokumentarfilm» gwunne.[5]
  • Am 31. Januar 2013 isch de Film mit em «PRIX DU PUBLIC» vo de Soleturner Filmtäg uszeichnet worde.[6]
  • Am 23. März 2013 gwünnt er de «Schwizer Filmpriis» 2013 i de Kategorie «Dokumentarfilm» und «Filmmusig».
  • D Uszaichnig «Romy» 2013 (Film- und Färnseh-Priis vo Öschtriich) i de Kategorie «Beste Dokumentation Kino» und «Bester Produzent Kino-Domumentation» hät de Film Mitti April 2013 übercho.
  • Ebefalls gwünnt More than Honey de «Dütschi Filmpriis» 2013, als beschte Dokumentarfilm (26. April 2013).
  • De «Prix Walo» 2012 i de Sparte «Filmproduktion» isch em Film am 12. Mai 2013 vergee worde.
  • De Film isch vo de Schwiz us för en Oskar im Johr 2014 i de Spartene «beschte ussländische Film» und «beschte Dokumentarfilm» is Ränne gschickt worde.

Literatur[ändere | Quälltäxt bearbeite]

  • Markus Imhoof, Claus-Peter Lieckfeld: More than Honey: Vom Leben und Überleben der Bienen. Verlag orange-press, Freiburg 2013. ISBN 978-3-936086-67-6

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. More Than Honey uf cineman.ch
  2. 10vor10 Schwizer Färnseh, Sändig vom 6. Dezember 2012
  3. 3,0 3,1 «More than Honey» goes Oscars Artikel vom Markus Tischer, vom 27. September 2013 uf srf.ch
  4. Keiner will Insekten knuddeln Artikel vom Peter Uehling, wo am 7. November 2012 i de Berliner Zytig gstande isch
  5. Bayerischer Filmpreis 2013 wurde verliehen Artikel uf kinofenster.de vom 18. Januar 2013
  6. PRIX DU PUBLIC - Publikumspreis der Solothurner Filmtage 2013 abgruefe am 31. Januar 2013