Mondregenbogen
Us der alemannische Wikipedia, der freie Dialäkt-Enzyklopedy
| Dialäkt: Markgräflerisch (Ebringe) |
E Morägeboge isch e Rägeboge, wo dur s'Moliecht entstot. Morägeböge sin, wil au dr Vollmo yber 400.000 mol schwächer wie d'Sunne isch, liechtschwach un insbsunder bi Beiträchtigung dur Liechtverschmutzig schwer z'sähe.
Die atmosphärische Bedingige fer e Morägeboge sin e helle mindischtens fascht volle schinende Mo. Es muess uf dr im Mo entgegegsetzte Site vum Horizont rägne un dr Himmel muess bsunders dert, wo dr Regeboge stoht, dunkel si. Dr Mo derf usserdem nit höcher wie 42° yberem Horizont sto.
S'Liecht vum Morägeboge erschint im blosse Aug grau, wil's vil z'schwach isch, um d'Farbrezeptore vum menschliche Aug azrege. Uf Photos isch dr Rägeboge ufgrund vu dr andere Eigeschafte vu dr Photooptik un dr längere Beliechtig farbig.
