Mesomycetozoa

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Mesomycetozoa
Systematik
Klassifikation: Läbewäse
Domäne: Eukaryote (Eucaryota)
ohne Rang: Opisthokonta
ohne Rang: Mesomycetozoa
Wüsseschaftlige Name
Mesomycetozoa
Mendoza et al., 2002

D Mesomycetozoa oder Ichthyosporea, wu s bishär kai dytsche Name derfir git, sin e Taxon vu dr Eukaryote un wäre do näbe dr Schwimm (Fungi) un Vylzällige Dierer (Metazoa) in d Opisthokonta yygordnet. D Chragegaiseldierli (Choanoflagellata), wu friejer au in d Mesomycetozoa yygordnet wore sin, wäre no Adl. u.a. as aige Taxon mit glycher Ranghechi aagsääne. Dr Name Ichthyosporea bezieht sich uf di hyfige Fischparasite in däre Gruppe (griechisch Ichthyo Fisch).

Merkmol[ändere | Quälltäxt bearbeite]

Di aizällige Mesomycetozoa zaichne sich morfologisch uus dur zminderscht ai Entwickligsstadium mit sphärische Zälle, wu entwäder nume ne dorsal Cilium het oder amöboid isch. E Dail Arte hän e sphärisch Stadium, wu parasitisch läbt, ohni Cilie mit ere Endospore, andere chenne ne Zällwand uusbilde.

Syschtematik[ändere | Quälltäxt bearbeite]

Adl u.a. glidere d Mesomycetozoa in sechs Gruppe ohni klassischi Rangstapfle. Eb die Gruppe wirkli monophyletisch isch, isch, bishär nit vollständig gchlert. Steenkamp et al. 2006 stelle zem Byschpel uf dr Basis vu molekularbiologische Untersuechige fescht, ass Ministeria wahrschyns necher mit dr Vylzällige Dierer verwandt isch un d Nucleariida d Schweschtergruppe vu dr Schwimm darstelle.[1]

Vyl Arte läbe parasitär, zem Byschpel as Parasite vu Fisch, Chräbsdierer, Insekte un andere[2]. Arte vu Dermocystidium sin zem Byschpel Parasiten uf dr Hut oder in Chime vu verschidene Fisch, Fresche un Molch. Psorospermium haeckeli chunnt in Flusschräbs vor. Ichthyophonus hoferi cha ne stark Fischstärbe verursache.

  • Aphelidea
  • Corallochytrium
  • Capsospora
  • Ichthyophonus
  • Ministeria
  • Nucleariida

Fueßnote[ändere | Quälltäxt bearbeite]

  1. Emma T. Steenkamp, Jane Wright, Sandra L. Baldauf: The Protistan Origins of Animals and Fungi. Molecular Biology and Evolution 23(1), 2006: Seiten 93-106. (Abstract un Volltext)
  2. Wilfried Westheide & Reinhard Rieger: Spezielle Zoologie Teil 1: Einzeller und Wirbellose Tiere, 2. Auflage, Spektrum Akademischer Verlag Heidelberg • Berlin, 2007, ISBN 3-8274-1575-6

Literatur[ändere | Quälltäxt bearbeite]

  • Sina M. Adl, Alastair G. B. Simpson, Mark A. Farmer, Robert A. Andersen, O. Roger Anderson, John A. Barta, Samual S. Bowser, Guy Bragerolle,Robert A. Fensome, Suzanne Fredericq, Timothy Y. James, Sergei Karpov, Paul Kugrens, John Krug, Christopher E. Lane, Louise A. Lewis, Jean Lodge, Denis H. Lynn, David G. Mann, Richard M. McCourt, Leonel Mendoza, Øjvind Moestrup, Sharon E. Mozley-Standridge, Thomas A. Nerad, Carol A. Shearer, Alexey V. Smirnov, Frederick W. Spiegel, Max F. J. R. Taylor: The New Higher Level Classification of Eukaryotes with Emphasis on the Taxonomy of Protists. The Journal of Eukaryotic Microbiology 52 (5), 2005; Seiten 399-451 (Abstract und Volltext)

Weblink[ändere | Quälltäxt bearbeite]

Dä Artikel basiert uff ere fräie Übersetzig vu dere Version vum Artikel „Mesomycetozoa“ vu de dütsche Wikipedia.

E Liste vu de Autore un Versione isch do z finde.