Meiji-Restauration

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr Meiji-Tennō chunnt uf Tōkyō (1869)

D Meiji-Restaurazioon (jap. 明治維新, Meiji ishin)[1] bezeichnet formal d Ernöijerig vo dr Macht vom Kaiser am Aafang vo dr Meiji-Zit. Es het nit nume d Iifüerig vom ene nöije politische Süstem bedütet, wo vo westlige Vorbilder beiiflusst gsi isch, sondern au die völligi Umgstaltig vo dr japanische Gsellschaft.

Am 3. Januar 1868 isch im Naame vom Tennō d Widerhäärstellig vo dr kaiserlige Macht (王政復古, ōsei fukko) broklamiert worde. Dr Shōgun Tokugawa Yoshinobu het druf si Armee uf Kyōto gschiggt. Im Boshin-Chrieg )1868–1869) häi die kaiserlige Drubbe d Armee vom Shōgun gschlaage. Die Faase isch z Änd gange, wo dr Saigō Takamori 1877 si Widerstand ufgee het. Formal isch si ume gsi, wo d Verfassig 1890 in Chraft dräte isch.

D Verändrige[ändere | Quälltäxt bearbeite]

In dr Politik[ändere | Quälltäxt bearbeite]

Die nöiji Regierig het zwäi Flüügel ghaa, dr nazional-imperialistischi und dr brogressivi, wo inneri Reforme het welle iifüere. Si het dr „Fümf-Paragraafe-Eid“ (五ヵ条の誓文, gokajō no seimon) vorberäitet, wo dr Tenno im Früelig 1868 verkündet het und wo drmit die alti Stände-Gsellschaft abgschafft worde isch und wo drvo redet, ass s Volk emol an dr Regierig bedäiligt wurd. D Japaner häi sich Dütschland zum Vorbild gnoo und 1885 s erste Kabinett noch öiropäischem Muster bildet.

In dr Technik und Wüsseschaft[ändere | Quälltäxt bearbeite]

Japan het uf dr äinte Site Techniker und Wüsseschaftler us em Usland as Berooter und Leerer (o-yatoi gaikokujin) iiglaade, uf dr andere si Studänte in s Usland gschiggt worde zum studiere. 1877 isch d Tōkyō daigaku gründet worde. Dütschi Wüsseschaftler häi in dr Modärnisierig vom Land e groossi Rolle gspiilt, vor allem in dr Medizin, dr Filosofii und dr Jurisprudänz.

Litratuur[ändere | Quälltäxt bearbeite]

  • S. Noma (Hrsg.): Japan – An Illustrated Encyclopedia. Kodansha, Tokyo 1993, ISBN 4-06-205938-X.
  • S. Nakamura: Meiji ishin. (Band 16 der Geschichte Japans). Verlag Shueisha, 1992, ISBN 4-08-195016-4. (japanisch)
  • J. Hunter: Concise Dictionary of Modern Japanese History. Kodansha International, Tokyo 1984.
  • K. Inoue: Meiji ishin. Band 20 der History of Japan. Chuo koronsha, 1966. (japanisch)
  • W. W. McLaren: A Political History of Japan during the Meiji Era. Frank Cass, London 1965.
  • M. Ramming: Japan-Handbuch. Berlin 1941.

Fuessnoote[ändere | Quälltäxt bearbeite]

  1. Wörtlig "Meiji-Ernöijerig". Zerst het mä vo „S kaiserlig Äini: Nöi“ (御一新, go isshin) greedet.