Medinat Achziw

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Akhziv2.jpg

Medinat Achziw isch e Mikronazioon, wo 1971 vom Eli Awiwi (* 1930) gründet worde isch. Es lit näbe dä Ruine vo dr antike Haafestadt Achziw im westlige Galiläa an dr Küste vom Middelmeer, öbbe fümf Kilometer nördlig vo dr israelische Stadt Naharia. Dr 'Staat' bestoot us eme Feriedorf, in dr Umgääbig isch e Nazionalpark, e Schuel vo dr israelische Naturschutzgsellschaft und d Überräst vom arabische Dorf Azib ( الزيب), wo d Iiwooner von em im israelische Unabhängikäitschrieg gflüchdet si. Dr Staat Israel het Achziw nie anerkennt, s Turismusministerium het aber mit em Wärbig im Usland gmacht.

Gschicht[ändere | Quälltäxt bearbeite]

Scho in dr Iisezit het s z Achziw e wichdige Haafe ghaa. Dr Ort wird au in dr Bible erwäänt (Josua 19), er häig em Stamm Ascher ghöört. Au in dr Zit vo dr Mischna het d Stadt blüet. in dr Chrüzfaarerzit het e Ridder d Stadt as Gschänk überchoo und spööter häi sä d Mamluke erooberet, und s Fischerdorf Azib isch entstande, wo denn im israelische Unabhängikäitschrig vo dr Bevölkerig verloo worde isch.

1952 het der Eli Awiwi vom Staat zwäi Geböid im Ort gmietet und het es eklektischs Museum ufdoo. Vor allem in de 1970er Joor isch s Feriedorf e Dräffpunggt vo dr Boheeme und vo junge Lüt gsi. 1971 häi dr Eli Awiwi und si Frau Rina d Unabhängikäit vo Achziw erkläärt us Brotest gege d Gründig vom Nazionalpark am Ort. Dr Awiwi isch Bresidänt worde und Achziw het e Faane und e Nazionalhümne überchoo. E Zitlilang häi si au Bäss uusegee und d Bsuecher häi sich iiri Bäss chönne lo abstämple.

Dä Artikel basiert uff ere fräie Übersetzig vum Artikel „מדינת_אכזיב“ vu de hebräische Wikipedia.

E Liste vu de Autore un Versione isch do z finde.