Martine Aubry

Us der alemannische Wikipedia, der freie Dialäkt-Enzyklopedy
Martine Aubry
Dialäkt: Mìlhüüserisch

D Martine Aubry (* 8. Àuigscht 1950 z Pàris)[1] ìsch a frànzeescha Politikera vu dr Soziàlischtischa Pàrtei (PS). Sa ìsch zitter März 2001 d Maire vu Lille un sa ìsch vu Novamber 2008 bis Oktower 2012 d èèrschta Sekretär (àlso d Leiterin) vum PS gsìì.

Jugend[ändere | Quälltäxt bearbeite]

D Martine Aubry ìsch d Tochter vum frànzeescha Politiker Jacques Delors un vu dr Marie Lephaille. Sa ìsch ìn s Lycée Paul-Valéry z Pàris gànga, sa hàt speeter ìn dr Universität „Paris II Panthéon-Assas“ un ìn zwei Hochüela gstudiart: ìn „Sciences Po“ (IEP de Paris) bis ànna 1972, ìn dr „ENA“ (École nationale d’administration) vu 1973 bis 1975.

Politischa Kàrriar[ändere | Quälltäxt bearbeite]

Wo dr François Miterrand dr Präsidant vum Frànkrìch worra ìsch, ìsch d Martine Aubry ìn verschìedena Funktiona ìm Minischterium vu dr Àrwet un vu da soziàla Àffara tätigt worra. Ànna 1986, wo d rachtsorientiarta Pàrtei „RPR“ àm meischta Platz ìn dr Nàtionàlversàmmlung bikumma hàt, ìsch sa trotzdam noch a Johr àn ìhrem Poscht blìewa, obwohl àss sa (àls Soziàlischta) lìnks orientiart gsìì ìsch.

Zwìscha 1989 un 1991, ìsch sa àn'ra hocha Funktion ìn dr Firma Pechiney tätigt gsìì.

Vu 1991 àb, hàt sa ìn mehrera Regiarunga mìtgmàcht. Sa hàt aui Veràntwortunga ìn ìhra Gegend un ìm Parti Socialiste ghàà.

  • 1991 - 1993: Minischtera fer Àrwet, Soziàla Froga, Fàmìlia un Solidàrität (Regiarung Édith Cresson un Regiarung Pierre Bérégovoy)
  • 1993: Grìndera un Präsidantin vu dr Stìftung „Fondation Agir contre l'exclusion“
  • 1995 - 2001: Èèrschta Adjointe vum Maire z Lille
  • 1997 - 2000: Minischtera fer Àrwet un Solidàtität. Sa hàt sìch um d Reform vu dr Reduziarung vu dr Àrwetzitt uf numma noch 35 Stunda pro Wucha bekìmmert.
  • 1997: Députée fer dr 5. Wàhlkreis vum Département Nord
  • Zitter 2001: Maire vu Lille
  • 2008 - 2012: Èèrschta Sekretär vum „Parti Socialiste“
  • 2008 - 2014: Präsidantin vum Kummunàlverband vu Lille

Privàtlawa[ändere | Quälltäxt bearbeite]

Àm 6. Oktower 1973 hàt d Martine Delors dr Xavier Aubry ghirota. Sa han mìtnànder a Tochter bikumma: Clémentine (1978). Speeter han sa gscheida, àwer D Martine Aubry hàt ìhrer Ehnàmma bhàlta.

Àm 20. März 2004 hàt sa dr Àvokàt Jean-Louis Brochen ghirota.

Biacher[ändere | Quälltäxt bearbeite]

  • Pratique de la fonction personnelle: le management des ressources humaines, sous la direction de Dimitri Weiss, Éditions d'Organisation, 1982
  • Le Choix d'agir, Albin Michel, 1994
  • Petit Dictionnaire pour lutter contre l'extrême droite, mìt em Olivier Duhamel, Éditions du Seuil, 1995
  • Il est grand temps, Albin Michel, 1997
  • C'est quoi la solidarité ?, Albin Michel, 2002
  • L'important, c'est la santé, Éditions de l'Aube, 2003
  • Culture toujours: et plus que jamais !, Éditions de l'Aube, 2004
  • Réduire les fractures Nord/Sud: une utopie ?, Éditions de l'Aube, 2004
  • Quel Projet pour la gauche ?, Éditions de l'Aube, 2004
  • Une Vision pour espérer, une volonté pour transformer, Éditions de l'Aube, 2004
  • Agir pour le Sud, maintenant !, Éditions de l'Aube, 2005
  • Immigration, comprendre, construire, Éditions de l'Aube, 2006
  • Et si on se retrouvait…, mìt da Stéphane Paoli un Jean Viard, Éditions de l'Aube, 2008
  • Pour changer de civilisation, mìt 50 Forscher un Stààtsbìrger, Éditions Odile Jacob, 2011

Weblink[ändere | Quälltäxt bearbeite]

 Commons: Martine Aubry – Sammlig vo Multimediadateie

Referanz[ändere | Quälltäxt bearbeite]

  1. Sitta ìwer d Martine Aubry, uf LesEchos.fr (fr). Archiviert vom Original am 15. Juni 2013; abgruefen am 24. Juni 2015.