Magène
Magène ("no chlor" uf Normännisch) isch e Organisation i dr Normandi wo sich drum bemüet d normännische Sprooch z bewahre un z fördere.
Magène isch 1987 z Coutances vum Marcel Dalarun un em Daniel Bourdeles gründet worre. Magène isch uf dr Halbinsel Cotentin aktiv un isch d einzigi verglychbari Organisation in dr ganze Normandi. D Organisation isch vorallem musikalisch aktiv un produziert normännischi Lieder uf Normännisch; im Gägesatz zu andri Gruppe un Produzente wo entweder uf Französisch oder aber keltischi Musik produziere. Inzwüsche sin scho zää CDs uf Normännisch vo Magène produziert worre.
Andri Aktivitäte vo Magène sin kultureli Veraastaltige un dr Versuech d Sprooch au i dr Schuel z fördere.
S Ziil vo Magène ischs, s Normännische vorem Ussterbe z rette un doodurch e Stugg normännischi Kultur z erhalte. Usserdem isch Magène defür dass d verschidne Langues d'oïl als Regionalsprooche annerkannt werre.
