Lutz Fischer-Lamprecht

Us der alemannische Wikipedia, der freie Dialäkt-Enzyklopedy
Hops zue: Navigation, Suech
De Lutz Fischer-Lamprecht im September 2014

De Lutz Fischer-Lamprecht (* 1. Novämber 1967) isch en Schwiizer Pfarrer. Er isch Co-Präsident vom Pfarrkapitel vo de Reformierte Landeschile vom Kanton Aargau gsi und isch Präsident vu de Synodefraktion «Fraktion vo de Fraktionslose» in de Aargauer Synode.[1] Er isch ghürate un het 5 Chind. Sin Brueder isch de Axel Fischer.

Biografii[ändere | Quälltäxt bearbeite]

Usbildig[ändere | Quälltäxt bearbeite]

Mit em Geburtsnäme Lutz Fischer isch er 1967 z Karlsrueh uf d Wält cho u z Schdudesee ufgwachse. Dert het er au d Schuel bsuecht un 1987 mit em Abitur abgschlosse. Sin Wehrdienscht het er z Philippsburg bim Raketeartelleriibatalion 122 abgleischtet. Theologii het er z Neuendettelsau, z Marburg un z Münche studiirt. I de Johr 1995 bis 1997 het er sis Vikariat z Sandhuuse i de Nöchi vo Heidelbärg absolviert. Im Aaschluss do dra het er im Usedienscht gschaffet, wo er Versicherige verchauft het un gliichzitig en Usbildig zum Versicherigsfachmaa abgschlosse het.

Pfarramt[ändere | Quälltäxt bearbeite]

Im Johr 1998 isch er mit sinere Familie i d Schwiiz cho, wo er sini erschti Pfarrstell z Rächthaute im Kanton Fryburg gha het. D Fryburger Chile het ihn im Juli 2000 z Murte ordiniirt. Vom Kanton Fryburg isch er im Auguscht 2002 i de Aargau cho. Bis im März 2008 isch er z Birmischtorf Pfarrer gsi, wo zu de Chilegmeind Birmischtorf-Gäbischtorf-Turgi ghört. Sit em April 2008 isch er reformiirte Pfarrer z Wettige-Noiehof. Bekannt worde isch er wäge em Interview in de Zitig reformiert., wo ihn als Facebook-Pfarrer bezeichnet het, und durch e Direktübertragig vomene Gottesdienst in de Sternstunde Religion vom Schwyzer Färnsee.[2] Er isch au de ersti reformiert Pfarrer in de Schwyz gsi, wo en Dag lang vo sim Bruefs- und Privatalldag twitteret hät. Di Aktion isch vo de Reformierte Medie organisiert gsi.[3]

Landeschille[ändere | Quälltäxt bearbeite]

Vo Mai 2007 bis Endi Juni 2013 isch de Lutz Fischer-Lamprecht zämme mim Dominique Baumann und ab Oktober 2012 zämme mit em Ruedi Gebhard Co-Präsident vom Aargauische Pfarrkapitel gsi. Im Auguscht 2009 isch er Präsident vo de neugründete Synodefraktion vo de Fraktionslose worde und sit em Juni 2011 Mitgliid vo de GPK vo de Synode.[4]

Mandat[ändere | Quälltäxt bearbeite]

In sinere Wohngmeind Wettige isch er in zwei Stiftigsröt und zwar in de Joseph und Franz Probst- und in de Fluck-Bernhard-Stiftig.[5] Es dritts Mandat het er im Stiftigsrot vo de Pensionskasse vo de Reformiirte Landeschille Aargau.[6] Zudem isch er sit em Aprile 2014 im Verwaltigsrat vom Alterszentrum St. Bernhard.

Weblink[ändere | Quälltäxt bearbeite]

 Allmänd (Commons): Lutz Fischer-Lamprecht – Sammlig vo witere Multimediadateie

Fuessnoote[ändere | Quälltäxt bearbeite]

  1. Reformierte Presse 28. Augste 2009
  2. Reformierte Gottesdienst us dr Chille Bade, Sternstunde Religion, SF, 4. September 2011
  3. Informatione zu de Aktion uf www.ref.ch
  4. www.ref-ag.ch
  5. Kommissionverzeichnis vo de Gmeind Wettige (Stand Novämber 2011)
  6. Handlsregisteriitrag uf moneyhouse.ch