Lunge

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Schema vo dr menschligen Lunge. 1: Luftröhre, 2: Lungenarterie, 3: Lungevene, 4: Alveolargang, 5: Alveole, 6: Härziischnitt, 7: chliini Bronchie, 8: Tertiärbronchus, 9: Sekundärbronchus, 10: Hauptbronchus, 11:Chehlchopf

D Lunge (lat. Pulmo, -onis m.) isch e baarigs Körperorgan, wo em Schnuufe dient. Ächti Lunge chömme bi fast alle luftatmende Wirbeldier iischliesslig dr Mensch vor. Si entstöhn embryonal as Usstülpig vom Vorderdarm. D Amphibie (Amphibia) hai die eifachste Lunge. Si si bi ihne sackförmig und glattwandig oder nume schwach underdeilt. Vil sterker underdeilt isch si bi de Reptilie. Bi de Vögel si d Lunge relativ chlii, aber wäge de Luftseck, wo s no het, si si au vil komplizierter baut. D Lunge vo de Süüger si ähnlig wi die vo de Reptilie.

Bim Mensch bestöhn si us zwei Lungeflügel, wo linggs in zwei und rächts in drei Lungelappe underdeilt si. D Lunge het kei Muskulatur. D Luft wird stattdesse mit Hilf vo dr Rippe- und Zwärchfällmuskulatur iigsuugt. Dr Brustchorb dehnt sich us, dur das wird s Volume größer und es entstoht en Underdruck, wo dur die iiströmendi Luft usgliche wird.

Litratur[ändere | Quälltäxt bearbeite]

  • G. Thews: Anatomie, Physiologie, Pathophysiologie des Menschen. Wiss. Verlag-Ges., Stuttgart 2007, ISBN 978-3-8047-2342-9
  • Franz-Viktor Salomon: Atmungsapparat. In: Salomon et al. (Hrsg.): Anatomie für die Tiermedizin. Enke Stuttgart, 2. erw. Aufl. 2008, S. 324-367. ISBN 978-3-8304-1075-1

Weblingg[ändere | Quälltäxt bearbeite]

 Allmänd (Commons): Lunge – Sammlig vo witere Multimediadateie

Wikibooks-logo.svg Wikibooks: Lunge — Lern- und Lehrmaterialie