Lukmanierleitung

Us der alemannische Wikipedia, der freie Dialäkt-Enzyklopedy
Hops zue: Navigation, Suech

D' Lukmanierläitig isch ä driipooligi Hochspannigsläitig für 380 Kilovolt. Si füehrt vu Lavorgo im Tessin uf Mettlä bi Inwil im Kantuu Luzärn.

Maschte im Stausee uf em Lumanierpass.

Die Stromlaitig isch im Nüünevierzgi fertiggschtellt gsii. Buuherr sind die Zentraalschwiizerische Chraftwärch gsii, und daas, obwool diä Läitig hüt vu d'r Aare-Tessin AG für Elektrizität beuufsichtigt wird. Vu Lavorgo bis i'd Rüüssebäni in Amschtäg isch si mit speziellä Gebirgsmaschte uusgrüschtet. Uff derä Streggi füehrt si über de Lukmanier, de Pass, wu ihrä dä Namä git. Ä Bsunderhäit isch de Abspannmast im Stausee vu Santa Maria. Bi Disentis überquert si s' Vorderrhiital. Ab Amschtäg isch si mit Tonnämaschte uusgrüschtet, will si drii Stromchräis vu det bis uf Mettlä mit sich füehrt. Paralell zu ihrä verlauft jetz d' Gotthardläitig. Diä erfüllt ä ähnlichä Zwägg, nämli Strom vu Laufeburg uf d' Alpesüdsiite z' befördere. Si füehred mitenand dur s' Urner Rüüsstal und rächts em Urnersee nach. Zwüsche Ingäbool und Immäsee tangiered si d' Rigi. Jedi vu denä Läitige gahd nachhär ihre äigeti Wäg. Si ändet aber beed in Mettlä.