Lukas Kundert
De Lukas Kundert (* 23. April 1966 z Fränkedorf, heimatberechtigt z Rüti GL, Luchsige und Glaris) isch en Schwiizer Theolog und Pfarrer. Er isch Chilerotspräsident vo de Evangelisch-reformierte Chile Basel-Stadt, Münschterpfarrer z Basel und Privatdozent an de Universität Basel.
De Lukas Kundert isch z Fränkedorf ufgwachse und het vom 1986i bis ins 1993i z Basel evangelischi Theologii und z Jerusalem Judaistik gschtudiirt. Vom 1994i bis ins 1998i isch er Assistent an de theologische Fakultät vo de Universität Basel gsi und het im 1997 promoviirt. Er isch dann vom 1999i bis ins 2004i Induschtriipfarrer z Basel gsi. Sit em 2004 isch er Chilerotspräsident vo de Evangelisch-reformierte Chile Basel-Stadt und sit em 2009 zusätzlich Münschterpfarrer.