Louis Schittly

Dr Louis Schittly (* 1938) isch e französische Arzt us em elsässische Sundgau. Er isch Mitbegründer vo Médecins Sans Frontières (MSF, Ärzte ohne Grenzen).

Läbe

Dr Louis Schittly isch uf em elterliche Burehof in Bärnwiler ufg'wachse. Als junge Arzt isch er anne 1969 im Uftrag vom Rote Chrüz nach Biafra gange. Die Kriegsgräuel in Biafra hän en zsämme mit em Bernard Kouchner und andere zur Gründig von Médecins Sans Frontières 1971 veralasst. Unter dr Leitig vom Malteser-Orde isch er drno zue n eme medizinische Iinsatz nach Vietnam, wo n er die riesige "Kollateral-Schäde" vo dr amerikanische Kriegsfiehrig für d Zivilbevölkerig kenneg'lehrt het. Die Kriegshandlige im Zsämmehang mit em sowjetische Iinmarsch in Afghanistan 1980 hän en drzue brocht, sich vor Ort für d medizinischi Versorgig vo dr afghanische Landbevölkerig iiz'setzen. Drnoch hat er bis 1996 als Arzt in siinere elsässiche Heimet praktiziert. Zsämme mit em Bernard Kouchner isch er 1996 in de Südsudan gange un isch ärztliche Verantwortliche für s Busch-Spital in Boma worde, speziell für d' örtlichi Organisation un d Rekrutierig vo emigrierte Fachkräfte isch er zueständig gsi. Dr Louis Schittly läbt jetzt mit siinere Familie in Bärnwiler.

Wärcher

• L'homme qui voulait voir la guerre de près. Médecin au Biafra, Vietnam, Afghanistan, Sud-Soudan. Paris: Arthaud, 2011, ISBN 978-2-0812-5841-9
• Dr Nädla ou Un automne sans colchiques. Roman à lire à voix haute. Editions Hortus Sundgauviae, 1983, ISBN 2-86339-011-2

Dä Artikel basiert uff ere fräie Übbersetzig vu dere Version vum Artikel „Louis_Schittly“ vu de dütsche Wikipedia. E Liste vu de Autore un Versione isch do z finde.