Louis-François Roubiliac

Us der alemannische Wikipedia, der freie Dialäkt-Enzyklopedy

Dr Louis-François Roubiliac (frz. Roubillac) (* 1695; † 11. Januar 1762) isch e bedütende französische Bildhauer im 18. Joorhundert gsi, wo uf Groossbritannie gange isch go lääbe und dört seer berüemt worde isch.

Wärk[ändere | Quälltäxt bearbeite]

Dr Roubiliac het vor allem Ufdrääg für Statue und Büste überchoo, bsundrigs für Graabdänkmööler. Sini bedütendste Wärk si die kunstvolle Graabdänkmööler in dr Westminster Abbey, also vom Georg Friedrich Händel, vom Admiral Warren, vom George Wade, vo dr Elizabeth Nightingale und vom Duke of Argyll, won em dr Ruef vom e groosse Bildhauer iibrocht het. D Statue vom George I., vom Isaac Newton, vom Herzog vo Somerset z Cambridge und vom George II. am Londoner Golden Square, ghööre au zu sine Arbäite.

Im April 1738 het dr Roubiliac vom Johnathan Tyers dr Ufdraag überchoo, s erste Händel-Dänkmol uf dr ganze Wält y mache und wo au s erste gsi isch vo öbberem wo nid Ängländer und nid aadlig gsi isch. Es het dr Händel as Orpheus daargstellt und isch in de Londoner Vauxhall Gardens ufgstellt worde und het e Hufe Lüt in Park glockt.

E ganzi Serii vo Büste si im Trinity College z Cambridge, wo dr Roubiliac vo hervorraagende Studänte gmacht het. Si berüemtists Wärk isch s Nightingale Monument in dr Westminster Abbey. Die bekannti Shakespeare-Büste (wo mer e au Davenant bust säit) wird iim zuegschriibe und ghöört em Garrick Club z London. D Shakespeare-Statue isch e Ufdraag vom David Garrick gsi, und mä cha sä hüte im British Museum go aluuege.

Litratuur[ändere | Quälltäxt bearbeite]

  • K. A. M. Esdaile: Roubiliac's Work at Trinity College Cambridge. Cambridge University Press, Cambridge 1924 (Neuauflage Cambridge University Press, 2009, ISBN 9781108002318)
  • Le Roy de Sainte-Croix: Vie et ouvrages de L. F. Roubiliac, sculpteur lyonnais (1695–1762). P. Ollendorff, Paris 1882.
  • Allan Cunningham: The Lives of the Most Eminent British Painters, Sculptors, and Architects. Band 3, S. 31–67, John Murray, London 1831 (siehe hier)
  • Dutton Cook: Art in England (Kapitel: A Sculptor's Life in the Past Century) London 1869, S. 29ff.
  • Austin Dobson: The Magazine of Art. "Little Roubiliac", London 1894, Band 17, S. 202–231
  • John Thomas Smith (Hrsg.: Edmund Gosse): Nollekens and his Times. Richard Bentley & Son, London 1895, S. 1ff (siehe hier)

Weblingg[ändere | Quälltäxt bearbeite]

 Commons: Louis-François Roubiliac – Sammlig vo Multimediadateie
Dä Artikel basiert uff ere fräie Übersetzig vum Artikel „Louis-François_Roubiliac“ vu de dütsche Wikipedia. E Liste vu de Autore un Versione isch do z finde.