Logelheim

Logele

Logele Logelheim
Wappe	Kart
Dialekt: Alemannisch
Hauptvariante	Elsässisch
Basisdate
Stààt	Frànkrich
Region	Elsass
Département	Owerelsass
Arrondissement	Colmer
Kanton	Nej-Brisach
Kommünàlverbànd	CdC Pays de Brisach
Geographischi Lag:	48° 2′ 26″ N 7° 32′ 34″ O
Heh	195 m (193 m–197 m)
Inwohner	828 (1. Jänner 2007) [1]
Flech	4,33 km²
Boschtleitzàhl	68280
INSEE-Code	68189
Maire (Bürgemeischter): lfd. Amtszitt	Jacques Olry 2008-2014

Logele (IPA: [loːg̊ələ]; amtl. Logelheim, in alternativer elsässischer Schriwung vom Schwa Logala) isch e französische Gmeind im Elsass mit ca. 600 Inwohner.

Géografi

Der Ort lìt an der Ìll un ìsch umgää vu Gedreidefälder. Er gheert zum Kanton Nèi-Brisach un dodermìt zum Arrondissement Kolmer; usserdäm ìsch Logele Mìtglììd vum interkommunale Zwäckverband Communauté de communes du Pays de Brisach. S Dorf lìgt ca. 7 Kilomeeter sììdsììdèstlig vu Kolmer un ìm Daal vu der Ìll.

Gschìcht

E Graabstätte üss der frieie Bronzezitt losst druf schließe, ass doo schu voor der èrschte urkundlige Erwähnung Mänsche gläbt hän. Der Name Logele däucht ìm Johr 770 under der Form „Lageln“ zum èrschte Mool uf. Säll ìsch d Zit vum èrschte Hèrzog vum Èlsass, em Bonifatius Grandius. Es ìsch èbbene 1025 zum Bsìtz vu der Haabsburger Landgrafe wore. 1224 hat der Abt vu Eewersminschter alle sinne Rächt an Logele verlore; se sìn an d Kleester vu Masevaux un Heiligkritz ìwergange.

1444 ìsch Logele vu de Armagnacs zersteert wore.

Ìn der èrschte Hälfte vum 16. Johrhundert hat sìch Logele witterèntwìcklet; zu däre Zitt sìn oi d èrschte Deich an der Ìll aaglègt wore. 1563 ìsch der Ort zämme mìt em rästlige Leehe Hohlandsburg an der Rìtter Lazarus von Schwendi verkäuft wore.

Zwìsche 1621 un 1640 hän verschììdene Iifäll zur Folg ghaa, ass Logele vu nèiem zersteert wore ìsch.

Noo der Franzeesche Révolution ìsch der François Antoine Roth vum Gmeinderoot als Bìrgermeister gwählt wore. 1797 hat Logele 200 Hèktar vu sinnem Gebiet verlore. Säll ìsch under Hätteschlaag un Wèckelse ufdeilt wore.

Ìm Johr 1800 hat Logele 251 Iiwohner ghaa, ìm Johr 1850 sìn's schu 476 gsìì. Ìm Johr 1997, wuu's sìch em SIVOM Pays de Brisach aagschlosse hat, hän lutt ere Volkszällung 567 Litt derte gwohnt.

Wirtschaft

Logele isch stark vu landwirtschaftliche Grossbetribe prägt. Dr Schwerpunkt ligt im Abau von Fruucht un dr Säuhaltung.

Sehenswürdigkeite

• alti Bürehöf, ein mit Dübeschlag
• Kírech St. Moritz mit aldem Kírechturm

• 

  Kírech St. Moritz

• 

  d Mairie

Verastaltunge

• Keltefescht (ledschder Samschdig im Jüli) [2]
• Kilwi/Kirmess (erschter Sunndig im September)
• Kürbisfescht (Ende Oktober) [3]

wittere Site im Internet

• Uftritt von dr Gmeind Logele (französisch)
• Logele uf em Uftritt vom Kanton Nej-Brisach (französisch)
• Das keltefescht in Logelheim (französisch)
• Kürbisfescht in Logelheim (französisch)