Liste der hethitischen Grosskönige

Us der alemannische Wikipedia, der freie Dialäkt-Enzyklopedy
Hops zue: Navigation, Suech
e Relief vom Tuthaliya III.

Uuflistig vo de hethitische Grosskönige und vo de Tawananna, de Königine, wo entweder d Muetter oder d Frau vom jewiilige Grosskönig gsii isch. Di gnaue Regierigszitte chönet nöd bisitmmt werde. D Jooreszaale sind immer vor Christi Gibuurt und entspreched de chorze Chronologi, wo hüt vo de maiste Wüsseschaftler bruucht werd. För di mittleri Chronologii müend 64 Joor und för die langi Chronologii 120 Joor dezue zellt were.

I ältere Gschichtswerch findet sich zum Tail en anderi Zälig vo de Herrscher, well früener d Abfolg vo de Herrscher im Mittlere Riich nonöd gnueg guet erforscht gsii isch. Da bitrefft de Hattusili II. (alt: III.), de Tuthaliya II. (alt: III.) und de Tuthaliya III. (alt: IV.).

Au d Schriibig vo de Näme isch nöd aihaitlich. Die Liste bruucht e veraifichti Schriibwiis. S /h/ werd gwönlich as /ḫ/ widergee und bizaichnet e laryngale Luut, s /s/ werd hüüfig as /š/ gschribe, werd aber wie s tütsche /s/ uusgsproche.


Zitt Grosskönig Tawananna
um 1700 Anitta vo Kussara  
Öberliferigslugge vo öppe 140 Joor
um 1565-1540 Hattusili I Kattusi
um 1540-1530 Mursili I. Kali
  Hantili I. Harapseki
  Zidanta I.  
  Ammuna  
  Huzziya I.  
um 1500 Telipinu Istapariya
  Tahurwaili  
  Alluwamna Harapsili
  Hantili II.  
  Zidanta II. Iyaya
  Huzziya II. Summiri, Kateshapi
  Muwattalli I.  
um 1420-1400 Tuthaliya I. Nikalmati
um 1400-1375 Arnuwanda I. Amunikal
um 1375-1355 Tuthaliya II. Taduhepa
um 1355-1323 Suppiluliuma I. Henti, Malnigal
um 1323-1322 Arnuwanda II. Malnigal
um 1322-1285 Mursili II. Gassulawiya, Tanuhepa
um 1285-1275 Muwattalli II. Tanuhepa
um 1275-1265 Mursili III. (Urhitesup) Tanuhepa
um 1265-1235 Hattusili II. Puduhepa
um 1235-1215 Tuthaliya III. Puduhepa
um 1220 Kurunta (Gegekönig)  
um 1215-1200 Arnuwanda II.  
um 1200.1190 Suppiluliuma II.  


Lueg au[ändere | Quälltäxt bearbeite]