Lende vo Lenn

Us der alemannische Wikipedia, der freie Dialäkt-Enzyklopedy
d Lende vo Lenn

D Lende vo Lenn (au Linner Linde) isch en alti Summerlende (Tilia platyphyllos), wo am Ortsiigang vo Lenn stoht. Si ligt, sit de Fusionierig vo Linn mit de Gmeinde Gallecherch, Under- und Oberbözberg, uf em Gmeindsbann vo Bözbrg im Kanton Aargau in de Schwiz.

au im Wappe vo Lenn isch d Lende

Beschriibig[ändere | Quälltäxt bearbeite]

S Alter vom Baum isch nöd klar. Nach ere Legende isch er im 1668[1] vom letzschte überläbende Lenner uf em Grab vo de Iiwohner vom Dorf pflanzt worde, wo an de Pescht gschtorbe si. Aber de Baum het e Stammumfang vo 11 Meter, isch also vermuetlich dütlich älter. Mit dem Stammumfang isch d Lenner Lende de mächtigscht Baum im Aargou, und er het e Höchi vo öppe 25 Meter.

Varia[ändere | Quälltäxt bearbeite]

D Lende vo Lenn isch i de dritte und vierte Folg vo de föifte Staffle en Schauplatz vom Schwizer Krimi «Der Bestatter». För de Film hät me äxtra s Gitter ewäg gno, eso dass de Totegräber Luc Conrad (gspillt vom Mike Müller) i di hohli Lende ine goh chan.[2]

Literatur[ändere | Quälltäxt bearbeite]

  • Viktor Wohler: Mathematisches zur Linner Linde. In: Mitteilungen der aargauischen Naturforschenden Gesellschaft. 22 (1945), S. 202–214 (online).
  • Kurt Derungs: Baumzauber. Die 22 Kultbäume der Schweiz. Amalia. 2008. 192 Site. ISBN 978-3-905581-27-0.
  • Conrad Amber: Baumwelten. Kosmos, Stuttgart 2015, ISBN 978-3-440-14594-4, S. 192.

Weblink[ändere | Quälltäxt bearbeite]

 Commons: Lende vo Lenn – Sammlig vo Multimediadateie

Einzelnochwiis[ändere | Quälltäxt bearbeite]

  1. Die Linner Linde, Freund der Menschen uf nvsc-boezberg.ch
  2. «Der Bestatter»: Bei der Linner Linde kommt es zum grossen Showdown Artikel i de Aargauer Zitig vom 4. Jänner 2017

Koordinate: 47° 28′ 15″ N, 8° 8′ 0″ O; CH1903: 652373 / 258016