Lenk im Simmental
| Lenk im Simmental | |
|---|---|
 |
|
| Basisdate | |
| Staat: | Schwiiz |
| Kanton: | Bärn (BE) |
| Verwaltungskreis: | Obersimmental-Saanen |
| BFS-Nr.: | 0792 |
| Poschtleitzahl: | 3775 |
| Koordinate: | 600366 / 14507446.4577.44341068Koordinate: 46° 27′ 25″ N, 7° 26′ 36″ O; CH1903: 600366 / 145074 |
| Höchi: | 1'068 m ü. M. |
| Flächi: | 123.1 km² |
| Iiwohner: | 2450 (31. Dezämber 2011)[1] |
| Website: | www.lenk.ch |
 Katholischi Chilche |
|
| Karte | |
 |
|
Länk (amtlich Lenk im Simmental) isch e politischi Gmeind im Vrwaltigskreis Obersimmental-Saanen im Kanton Bärn, Schwiz.
Inhaltsverzeichnis |
Geografi [ändere]
Lenk isch die högst glägeni Gmeind im Simmetal. S'Gmeindgebiet umfasst mehreri Bärg, der högsti heisst Wildstrubel (3'244 m.ü.M.). E bitzeli unterhalb vom Wildstrubel, bi de Sibebrünne, död entspringt d'Simme. Ind Simme münde etlichi Siitebäch, so au dr Iffigbach. D'Länk ligt öbbe 80 km vo Bern entfärnt und ungfär 100 km vo Montreux. Der tiefsti Punkt ufm Gmeindsgbiet isch s'Niederdorf uf 1'020 m.ü.M.
Gschicht [ändere]
Lenk isch zum erschte Mal gnennt worde im Jahr 1370 als An der Leng. Bis zum 31. Dezämber 2009 het d Gmeind zum Bezirk Obersimmetal ghört.
Bevölkerig [ändere]
| Jahr | 1850 | 1860 | 1870 | 1880 | 1888 | 1900 | 1910 | 1920 |
| Iiwohner | 2369 | 2269 | 2311 | 2192 | 2001 | 1748 | 1757 | 1758 |
| Jahr | 1930 | 1941 | 1950 | 1960 | 1970 | 1980 | 1990 | 2000 |
| Iiwohner | 1750 | 1752 | 1871 | 1900 | 1876 | 2089 | 2272 | 2337 |
Dr Uusländeraateil isch 2010 bi 12,5 % gläge.
Religion [ändere]
81,3 % vo de Iiwohner si evangelisch-reformiert, 7,7 % si römisch-katholisch (Stand 2000).
Politik [ändere]
Bi de Nationalraatswahle 2011 het s das Ergebnis gää: BDP 16,0 %, CVP 1,1 %, EVP 2,7 %, FDP 8,8 %. GLP 3,1 %, GP 4,0 %, SP 9,3 %, SVP 48,3 %, Suschtigi 6,7 %.
Gmeindspresidänt vo Lenk isch dr Christian von Känel (Stang 2013).
Wirtschaft [ändere]
D'Gmeind Länk läbt vor allem vom Tourismus, namentlich vom Wintersport. Usserdem gitz zahlrichi Landwirtschafts- und Gwerbbetrieb. So gitz 6 Säg-/Zimmereibetrieb, 4 Schrinereie, 6 LKW-Transportunternähme, 5 Autobetrib und 12 Hoch- und Tiefbauunuternähme. Um Planig und Vrkauf vo de errichtete Objekt kümmere sich 8 Architektur- und Immobilieunternähme (Stand Dezember 2008).
D'Länk het knapp übr 2000 Iwohner. Es git aber über 5000 Übernachtigsplätz, dervo 800 Hotelbetter. 30 Restaurants biete Ässe und Getränk a (ohni jeglichi Restaurants uf der Schipischte/Wanderpischte).
Näbstem Bätelberg, wo au als Husberg bezeichnet wird, gits an der Lenk e Liftverbund mit der Region Adelbode. Insgsamt 56 Liftalage erschliesse 185 Pistekilometer.
D Arbetslosigkeit isch im Jahr 2011 bi 1,7 % gläge.
Sprach u Dialäkt [ändere]
Bir Voukszeuuig 2000 hei vo de 2337 Iiwohner 94,2 % Dütsch aus Houptsprach aagää, 0,6 % Französisch u 0,2 % Italienisch.
Dr Dialäkt vo Lenk ghört zum Höchstalemannisch.
Biuder [ändere]
-
Reformierti Chiuche -
Chroneplatz z Lenk -
Chalet im Pöscheried -
Wasserfall vom Iffigbach unterhalb vor Iffigenalp
Weblink [ändere]
Allmänd (Commons): Länk – Sammlig vo witere Multimediadateie
