Lemberg (Schwäbische Alb)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Lemberg
Lemberg 1899

Lemberg 1899

Hechi 1.015 m ü. NN
Lag Landchreis Duttlinge, Bade-Wirttebärg
Gebirg Schwebischi Alb
Geografischi Lag 48° 9′ 3″ N, 8° 44′ 56″ O48.1508694444448.74888333333331015Koordinate: 48° 9′ 3″ N, 8° 44′ 56″ O
Lemberg (Schwäbische Alb) (Baden-Württemberg)
Lemberg (Schwäbische Alb)
Typ Zyygebärg
Gstei Wysse Jura
Bsunderheite hegschte Bärg vu dr Schwebische Alb

f

Dr Lemberg isch mit 1.015 m ü. NN dr hegscht Bärg vu dr Schwebische Alb. Är lyt z Bade-Wirttebärg, eschtli vu Rautweil im Landchreis Duttlinge bi dr Gmei Gose. Uf em gipfel vum Bärg het s e 33 Meter hoche Durm (Plattformhechi) us eme Stahlgrischt, wu e scheni Uussicht iber d Baim bietet, bi schenem Wätter bis zue dr Alpe.

Vorgschicht[ändere | Quälltäxt bearbeite]

Wie viil Bärg in dr Region isch dr Lemberg e Zyygebärg. Syy Name goht s keltisch *lem zruck, wu nasse Bode oder Moos bedytet. Wahrschyns chunnt dää Name vu dr Bära-Quälle, wu am Fueß vum Bärg lyt un villicht in dr vorgschichtlige Zyt meh Wasser gfeirt he tun s Biet drumumme vermoost gha het.

In dr Hallstattzyt (8.–5. Johrhundert v. Chr.) het s e keltischi Sidlig uf em Lemberg gee. Hitte cha mer uf em Gipfel no Räscht vu Muure un Gräbe sähne. Im Oschte un Weschte sin uf em Gipfel Bede aagleit wore. Anderi Räscht us dr Keltezyt het su uf dr Nochberbärg un uf em ganze Große Heiberg.

Lembergdurm[ändere | Quälltäxt bearbeite]

Uussichtsdurm uf em Lemberg

Scho anne 1890 hets Bläne gee fir dr Böu vun eme Holzdurm uf em Lemberg oder uf syym Nochber, em Oberhaueberg. Di gschichtli Bedytig un dr chummlig Ufstigg hätte fir dr Ob erhaueberg gsproche, d Entschiedig isch aber uf dr Lemberg gfalle, am Änd vor allem wel s dr hegscht Bärg vu dr Schwebische Alb isch. Anne 1894 het s di erscht Bsichtigung vum Biet gee dur e Ingenieur un zwee Handwärchsmeischter. Wel aber z wenig Gäld do gsi isch, het sich dr Böu aber all wyter verzegeret. 1897 sin di bishärgi Blän ufgee wore, derfir het e Diskussion aagfange iber e Böu vun eme Durm us Stei oder Yyse. Wel dr Steiböu uf 24.000 Mark gschetzt woren isch, het mer sich entschide fir dr billiger Yyseböu. Dr Ufdrag het d Firma Ant. Fauler vu Fryybeg iberchuu. D Gäldmittel sin vor allem us ere groß aagleite Spändesammlig chuu.

D Fundamänt sin an dr Oschtere 1899 gleit wore. Am Bfingschtmenig hän zwelf Arbeiter mit em Durmufböu aagfange. Wel s guet Wätter gee het, isch dr Durm scho am 17. Juni 1899 fertig gsi. Dr Durmufstiig goht iber 152 Stägestapfle ufe, verdeilt uf zwelf uffigi Stockwärch. 23 Tonne Yyse sin verböue wore. Dr Cheschtevoraaschlag vu 10.000 Mark isch nit iberschritte wore. D Uussichtsplattform vum Lembergdurm lyt uf ere Hechi vu 30 Meter. Mit dr Fahnestange uf em Spitz misst dr Durm 34 Meter.

Rund alli 25 Johr stoht zyterhärh e dyyri greßeri Sanierig aa. Vor allem noch em Erschte Wältchrieg, wu dr Durm wie au im Zwete Wältchrieg nit wichtig gsi isch, het mer iberleit, dr Durm abzrysse go d Cheschte fir d Sanierig spare. Dää Vorschlag isch aber nit aagnuu wore. Zletscht isch dr Durm anne 1973 un 1999 fir e lengeri Zyt gsperrt gsi un vu Frejwillige un Gosemer Handwärcher saniert wore.

Mitti 1980er Johr isch sin vum dodmolige Färnmäldeamt Rautweil uf em Lembergdurm zwoo Richtfunkantänne fir d Realisierig vun ere Richtfunkverbindig zwisch em Färnmäldegebej z Rautweil un dr Färnvermittligsstell in dr Gosemer Bahnhofsstroß inschtalliert wore. Die Richtfunkverbindig, wu uf em diräkte Wäg nit megli gsi wäre, het as Ergänzig zue dr Delifonchabelverbindige dient. Wu die allmeh dur Glasfaserchabel ersetzt wore sin, isch die Richtfunkverbindig all weniger wichtig wore un anne 2005 isch die Antänne demontiert wore.

Die Anlage het mit ere rein passive Richtfunktumlänkig funktioniert, wel s am Lembergdurm kei Stromaaschluss git. Us däm Grund het s au am Lembergdurm nie anderi Antänne gee.

Uussicht[ändere | Quälltäxt bearbeite]

D Sicht goht an schen Däg im Side bis zue dr Alpe, mer cha dr Nordrand sähne vu dr Zugspitz bis zue dr Bärner Alpe. Im Wechste lyt dr Schwarzwald, di hegschte Pinkt vun eme cha mer guet säh, dr Fälberg im Sidweschte un d Hornisgrind im Nordweschte. In dr nechere Umgäbig siht mer dr Nordrand vu dr Schwebische Alb bis zue dr Burg Hauezollre, im Norde s Biet vum ober Necker bis zue dr Keuperhechine vum Scheabuech, bin ere seli guete Färnsicht au dr Stuegerter Färnsehdurm. Vor allem im Spotjohr un im Winter git s Däg mit ere guete Färnsicht.

Ufstiig[ändere | Quälltäxt bearbeite]

Blick uf dr Lemberg

Uf dr Lemberg cha mer uf bezeichnete Wanderwäge ufestyyge. Dr Hauptwanderwäg 1 vum Schwebische Albverein, dr Schwebisch-Alb-Nordrand-Wäg, goht iber dr Gipfel. Vum negschtglägene Wanderparkblatz uus isch mer in dr frejviertel Stund uf em Gipfel, doderbyy mueß mer rund 180 Hechemeter iberwinde.

Vu Wilfenge uus isch mer in rund anderthalb Stund uf em Gipfel, doderbyy mien rund 400 Hechemeter iberwunde wäre. Iber guiet uusböuti gschottereti Waldwäg goht s zerscht dur Fälder in dr Wald yyne. Noch rund ere Stund un 270 Hechemeter verlosst mere d Waldwäg un dr Wäg goht di letscht halb Stund iber e schmale, gäche Wanderwäg.

Schutzhitte[ändere | Quälltäxt bearbeite]

Picknickdisch un Schutzhitte

Uf em Gipfel vum Lemberg git s unter em Durm e Schutzhitte vum Schwebische Albverein.

Di erscht Schutzhitte isch am 21. Juni 1901 yygwejt wore. Si het e Grundflechi gha vu 6 × 3,5 Meter. Si isch e us Rundhelzer böue Blockhuus gsi uf em Betonfundamänt un eme Muursockel. D Böucheschte sin bi 800 Mark gläge.

In dr hitige Schutzhitte git s e chleini Gaschtstube. An dr Däg, wu gwirtet wird, siht mer uf em Lembergdurm d Dytschlandfahne. Uf Aafrog macht dr Hittewirt au an andre Däg uf.

Weblink[ändere | Quälltäxt bearbeite]

Dä Artikel basiert uff ere fräie Übersetzig vu dere Version vum Artikel „Lemberg_(Schwäbische_Alb)“ vu de dütsche Wikipedia.

E Liste vu de Autore un Versione isch do z finde.