Lavaux

Dä Artikel behandlet d Waadtländer Region Lavaux, för de glichnamig Bezirk lueg bi Lavaux (Bezirk).

Blick uf Villette und de Gämfersee

Winterlandschaft bi Rivaz VD

Isebahnviadukt i de Wybärg vom Lavaux

S Lavaux (früener dt. Ryf, dezue Ryfwyn, Reifwein 'Wy us em Lavaux'^[1]) isch es Wybaugebiet im Kanton Waadt i de Schwiz am nordöstliche Ufer vom Gämfersee.

Geografii [ändere]

Das Wybaugebiet erstreckt sich zwüsche Lausanne und Vevey uf über 805 Hektare, uf däne sind syt em 12. Johrhundert steili Terrassene aaglegt worde. D Räbsorte, wo im Lavaux am verbreitischte isch, isch de Chasselas. Im Weste gränzt s Lavaux a s Wybaugebiet La Côte, im Oste a das vo Chablais.

Gmeinde [ändere]

S Lavaux umfasst 14 Gmeinde, wo i de Bezirk Lavaux-Oron und Riviera-Pays-d’Enhaut liged:

Schutz [ändere]

Dank enere Volksiniziative, is Läbe gruefe dor de Umwältschützer Franz Weber, isch s Lavaux sit 1977 dur d Waadtländer Verfassig gschützt.

Im Dezämber 2005 hät s Schwizer Bundesamt für Kultur s Lavaux als UNESCO-Welterbe nominierte. S International Council on Monuments and Sites, e Underorganisazion vo de UNESCO, hät em UNESCO-Komitee ime im Mai 2007 veröffentlichte Pricht empfole, s Lavaux i d Liste ufzneh, nochdäm im August 2006 en Vertreter vo de Organisazion d Region bsuecht hätt.^[2] Am 28. Juni 2007 isch d Uufnahm under em Name Weinterrassen von Lavaux mit Blick auf den See und die Alpen bschlosse worde.^[3]

Wil de Franz Weber de Mainig isch, dass im Lavaux z vil paut wird und um e witere Bauspekulazion yzdämme, sammlet er Unterschrifte för e nöji Volksiniziative. Di erforderliche Underschriftezahl isch im Juli 2009 erreicht worde, e nöji Volksabstimmunig isch dodemit wohrschinlich.^[4]