Landesring der Unabhängigen

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Landesring vode n Unabhängige (abgchürzd LdU) isch e Schwiizer Bartéi gsi, wos vo 1936 bis 1999 gä hed.

De Landesring isch vom Gottlieb Duttweiler gründed worde. Mit dr Ziit hed dr LdU Sitze n i de Kantòonsregierige vo Züri, St. Galle, Bärn, Aargou u Basel-Schdat berchòo. Sis Ziil isch e Kapitalismus mid soziaaler Verantwortig gsi; d Bartéi hed zu allne wichdige politische Fraage, wi dr AHV oder em Froueschdimmrächd iri Méinig ghaa. Si grööschd Erfolg hed dr LdU bi de Waale vo 1967 gha, wo d Bartéi sächzä Nazionalrats- u dr èerschdi Schdènderatssidz berchòo hed. I de 1970er Jaar hed sin Iifluss abgnoo, under angerem wil er zviu verschidni Thèmene ghaa hed, wo nümm zämebasst héi: dr Umwältschudz (wo dr LdU öpe n ab 1970 verdéidigd het), soziaali Verantwortig u dr Liberalismus.

Literatur[ändere | Quälltäxt bearbeite]

  • Jean Meynaud, Adalbert Korff: Die Migros und die Politik. der Landesring der Unabhängigen. Migros-Genossenschafts-Bund, Zürich 1967.
  • Hans Georg Ramseier: Die Entstehung und Entwicklung des Landesringes der Unabhängigen bis 1943. Glattbrugg, Zürich 1973, (Zugleich: Zürich, Univ., phil. Diss.).
  • Erich Gruner: Die Parteien in der Schweiz. 2. neu bearbeitete und erweiterte Auflage. Francke, Bern 1977, ISBN 3-7720-1345-7, (Helvetia Politica Series B 4).
  • Frank Wende: Lexikon zur Geschichte der Parteien in Europa. Kröner, Stuttgart 1981, ISBN 3-520-81001-8, S. 614–615.

Weblink[ändere | Quälltäxt bearbeite]

Artikel Landesring vo de n Unabhängige im Historische Lexikon vo dr Schwiiz