Lakshmi

Us der alemannische Wikipedia, der freie Dialäkt-Enzyklopedy
d Lakshmi chunnt usem Milchozean

D Lakshmi (Sanskrit: लक्ष्मी Lakṣmī f.; Pali: Lakkhī) isch im Hinduismus d Göttin vom Woolstand und Riichtum. Noch de Öberliferig isch si usem Milchmeer entstande und denn d Frau vom Vishnu wore. Jedesmol wenn de Vishnu uf d Welt as Avatar chunnt, werd au d Lakshmi inkarniert, so as Sita, d Frau vom Rama, em sibte Avatar, und as Rukmini, d Frau vom Krishna, em achte Avatar. D Lakshmi isch d Muetter vom Liebesgott Kama. Si werd mit vier Ärm dargstellt. I zwoo Händ hebt sie je ai Lotusblueme us de andere zwoo Händ flüüsset Münze.

Büecher[ändere | Quälltäxt bearbeite]

  • Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X