Ladon (Mythologie)

Us der alemannische Wikipedia, der freie Dialäkt-Enzyklopedy
Hops zue: Navigation, Suech

De Ladon (agr. Λάδων, Ládõn) isch in de griechische Mythologii ä mehkepfiger Drache gsi, wu uf di Goldene Äpfel vun de Hesperide ufbasst het. Er wird nochm Karl Kerényi aber ender e Schlang wiä e Drache gnennt.

No unterschidliche Erzählunge het er meischt zwey, efters drey un eimol hundart Kepf, wu villi unterschidlichi Lut vun sich gebe hen kinne. Er schloft nie. Er isch vum Herakles bezwunge worre, wu der d Äpfel vun de Hesperide hole het miesse. Au do gibts unterschidlichi Versione vun derre Gschicht, Entwedr wird er vum Herakles tot schlage, odr er gibt d Äpfel freywillig her, odr er hilft m Atlas, d Äpfel z kriege. Als Sternbild Drache isch er deno in Himmel gsetzt worre.

D Eltre sin de Phorkys un d Keto gsi, noch ôndre Erzählunge d Echidna un de Typhon odr au d Gaia, in de Theogonie vum Hesiod sin d Eltre de Okeanos un d Thetys gsi. In erschtere Fall isch er de Brueder vun de Echidna, de Skylla, abr au vun de Gorgone un de Graie.

Sinni Töchter sin: d Daphne, d Merope, d Methone, d Syrinx un d Thelpusa.