Lachmöwe

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Alebock
Chroicocephalus ridibundus (summer).jpg

Alebock (Larus ridibundus)

Systematik
Ordnig: Regepfiferartigi (Charadriiformes)
Familie: Mööfe (Laridae)
Gattig: Chroicocephalus
Art: Alebock
Wüsseschaftlige Name
Chroicocephalus ridibundus
Linnaeus 1766

De Alebock (Larus ridibundus; alemanischi Näme) isch e Vogel wo in Mitteleuropa dor s ganz Joor vorchunnt. Aleböck, wo do brüetet vrbringet de Winter am Mittelmeer, deföör sind vom Dezember bis in Horner Aleböck us Osteuropa bi üüs Wintergäst, wo ufem See öberwinteret oder alefalls au ufem Iis hocket.

Uussie[ändere | Quälltäxt bearbeite]

De Alebock isch e wiisse Vogel mit eme röötsche Schnabel. Hinderem Aug het er e dunkle Tupfe. D Flögel sind hellgrau und de Schwanz brüülich. Er werd 35 bis 39 cm grooss. I de Bruetziit hend Aleböck e bruune Chopf.

Verbraitig[ändere | Quälltäxt bearbeite]

De Alebock chunnt a Seeje und Flüss vor und bsunder hüüffig a de Chüste. Si sitzed uf Flööss, Booie, Dämm und Pföste, wo bim Wasser stönd. Aleböck sind gschickti Flüüger und chönd i de uft stoobliibe, au wen e starche Loft goot. Si fresset Insekte, Fisch, Aas und au essbare Güsel vo de Mensche. Uf früsch pflüegter Äcker sammlet er Regewörmer.

Brüete tüend Aleböck a Gwässer mit ere starche Vegetation und bildet groosi Bruetkolonie.

Büecher[ändere | Quälltäxt bearbeite]