Lüthold II. vo Röttele

Us der alemannische Wikipedia, der freie Dialäkt-Enzyklopedy
Dialäkt: Baseldütsch

Dr Lüthold II. vo Röttele (* 1227 oder 1228; † 19. Mai 1316) isch e Doombrobst und Elekt vom Bistum Basel gsi.

Lääbe[ändere | Quälltäxt bearbeite]

D Burg Röttele

Dr Lüthold isch e Nöwöö vom Lüthold I. gsi. S Basler Doomkapitel het en zwäimol zum Bischof gweelt, s erste Mol 1296 und no äinisch 1309. Dr Babst Bonifatius VIII. het aber noch dr erste Waal dr Peter vo Aspelt as Bischof vorzooge und 1309 het im Lüthold si Waal e meerjöörige Komflikt mit em Babst Clemens V. usglööst, dr Basler Bischofstrit. Dr Babst het dr Gerhard vo Wippinge ernennt und het si Wille schliesslig chönne duuresetze, au wenn d Stadt und s Doomkapitel dr Lüthold understützt häi.

Dr Lüthold II. het meereri Ämter in dr Chille gfüllt und het noch em Dood vo sim Nöwöö Walther III. († 1310), im Joor 1315 d Heerschaft Röttele sim Nöwöö, em Markgroof Heinrich vo Hachberg-Suusebärg gschänkt, nochdäm er scho 1311 dr Vater vom Heinrich, dr Rudolf I. vo Hachbärg-Suusebärg, zum Mitregänt vo dr Heerschaft Röttele ernennt het.

Wo dr Lüthold II. vo Röttele am 19. Mai 1316 gstorbe isch, isch die männligi Linie vom Gschlächt vo de Röttele erlosche.

Litratuur[ändere | Quälltäxt bearbeite]

  • Merian, Johann Jakob (Hrsg): Geschichte der Bischöfe von Basel, Erste Abtheilung, Basel, 1860, S. 91–94, online verfügbar auf Google Books
  • Otto Roller: Der Basler Bischofstreit der Jahre 1309–1311, Basler Zeitschrift für Geschichte und Altertumskunde, Band 13 (1914), S. 278–362 online auf retro.seals.ch
  • Otto Roller: Geschichte der Edelherren von Rötteln, In: Blätter aus der Markgrafschaft, Jg. 1927.
  • Ferdinand Rüegg: Der Basler Bischofsstreit von 1309–1311 auf Grund der Vatikanischen Akten, Zeitschrift für schweizerische Kirchengeschichte, Band 3, 1909, S. 198–209
  • Romain Jurot: Rötteln, Lüthold von. In: Historisches Lexikon vo dr Schwiiz.
  • Rudolf Wackernagel (Hrsg): Urkundenbuch der Stadt Basel, Band 4, Basel, 1890, online auf archive.org
Dä Artikel basiert uff ere fräie Übersetzig vu dere Version vum Artikel „Rötteln_(Adelsgeschlecht)“ vu de dütsche Wikipedia. E Liste vu de Autore un Versione isch do z finde.